اقتاۋ ماڭىندا باكۋ-گروزنىي رەيسىن ورىنداۋ كەزىندە ازەربايجان اۋە كومپانياسىنىڭ ۇشاعى اپاتقا ۇشىرادى. ۇشاق بورتىندا قازاقستاننىڭ 6 ازاماتى بولعان. بۇل تۋرالىس كولىك مينيسترلىگى حابارلادى, دەپ جازادى Egemen.kz.
قر توتەنشە جاعدايلار مينيسترلىگىنىڭ مالىمەتىنشە, ۇشاق بورتىندا 67 ادام, ونىڭ ىشىندە 5 ەكيپاج مۇشەسى بولعان.
«زارداپ شەككەندەر بويىنشا اقپارات ناقتىلانىپ جاتىر. الدىن الا مالىمەت بويىنشا امان قالعان 28 ادام بار, ونىڭ ىشىندە 22 ادام اۋرۋحاناعا جەتكىزىلدى. بارلىعى تجد, موسق, پد-نىڭ 150 جەكە قۇرامى, 45 بىرلىك تەحنيكاسى جۇمىلدىرىلدى», دەلىنگەن حابارلامادا.
جولاۋشىلاردىڭ اراسىندا 6 قازاقستان ازاماتى, 37 ازەربايجان ازاماتى, 16 رەسەي ازاماتى جانە 3 قىرعىزستان ازاماتى بولعان.
ەسكە سالايىق, باكۋدەن رەسەيدىڭ گروزنىي قالاسىنا ۇشقان Az Airlines اۋە كومپانياسىنىڭ ۇشاعى اقتاۋ ماڭىندا اپاتقا ۇشىراعان.
كەيىن وقيعا ورنىنان 12 جولاۋشى اۋرۋحاناعا جەتكىزىلگەنىن حابارلاعان ەدىك.