بايگەدە باعى جانعاندار

جيىندا ايماق باسشىسى مارات سۇل­تانعازيەۆ ەلىمىزدە ۇلتتىق سپورت تۇرلەرى قارقىندى دامىپ كەلە جاتقانىن اتاپ ءوتتى. «پرەزيدەنت قاسىم-جومارت توقاەۆ ۇلتتىق سپورت تۇرلەرىن بەلسەندى دامىتۋ قاجەتتىگىن ۇنەمى ايتىپ كەلەدى. وڭىردە بۇل باعىتتاعى جۇمىستار جوعارى دەڭگەيدە جۇرگىزىلىپ جاتىر. ايتالىق, بيىلدىڭ وزىندە وبلىسىمىزدا بىرنەشە ءىرى رەس­پۋبليكالىق بايگە جارىس ءوتتى. سونىڭ ىشىندە «قىمىزمۇرىندىق – 2024» فەستيۆالى اياسىندا كەگەن اۋدانىندا ۇيىمداستىرىلعان «جولان جۇيرىگى», رايىمبەك اۋدانىندا بەردىبەك سوقپاقباەۆتىڭ 100 جىلدىعىنا ارنالعان رەس­پۋب­ليكالىق ستارت, جامبىل وبلى­سىنداعى 100 شاقىرىمدىق ما­رافون-بايگەلەرىنىڭ ءباسى ەرەكشە بولدى. بيىلعى ەڭ ايتۋلى وقيعالارىنىڭ ءبىرى – V دۇنيەجۇزىلىك كوشپەلىلەر ويىن­دارى. وندا ەلىمىزدىڭ قۇراما كو­مانداسىنىڭ ساپىندا الماتى وبلىسىنىڭ 9 سپورتشىسى ونەر كورسەتىپ, 2 التىن, 1 كۇمىس, 1 قولا مەدالدى يەلەندى. بۇل – ۇلكەن جەتىستىك. اتقا ءمىنۋ – اتا-بابامىزدان قالعان ونەر. ءبىر قۋانارلىعى, قازىرگى تاڭدا جاستارىمىزدىڭ اراسىندا جىلقى وسىرۋمەن, باپتاۋمەن اينالىساتىندار قاتارى كوبەيىپ كەلەدى», دەدى وبلىس اكىمى مارات ەلەۋسىز ۇلى.

سالتاناتتى جيىندا 10 سپورتشى مەن جاتتىقتىرۋشى الماتى وبلىسى اكىمىنىڭ قۇرمەت گراموتاسىمەن ماراپاتتالدى. ولاردىڭ قاتارىندا استانا قالاسىندا وتكەن V دۇنيەجۇزىلىك كوشپەلىلەر ويىندارىنىڭ جەڭىمپازدارى, الماتى وبلىسىنىڭ جاس شاباندوزدارى اڭسار ارىستانبەك پەن سەرجان باقتىباي بار.

«ات سپورتىمەن اينالىس­قانىما 9 جىل بولدى. مارە سى­زىعىنان ءبىرىنشى بولىپ ءوتۋ شا­باندوزعا بايلانىستى, ول تاقى­مىنداعى تۇلپاردىڭ جاي-كۇيىن سەزىنۋى كەرەك. ۇلكەن بايگەلەردە جەڭىسكە جەتۋ – جاتتىققان تۇل­پار مەن بىلىكتى شاباندوزدىڭ ورتاق ەڭبەگى», دەيدى ات سپورتى شەبەرلىگىنە كانديدات اڭسار ارىستانبەك.

17 جاستاعى الديار ۋايسحان دا ەرەكشە قۇرمەتكە يە بولدى. قاراساي اۋدانىندا د.قوناەۆتى ەسكە الۋعا ارنالعان ءدۇبىرلى باي­­­گەگە قاتىسۋشىلاردىڭ ءبىرى ەر­توقىمعا ءىلىنىپ قالعاندا الديار جەدەل قيمىلداپ, قاتەردىڭ الدىن الىپ, ەرلىك كورسەتكەن.

ءىس-شارا بارىسىندا ات قۇلا­عىندا ويناعان بىرقاتار سپورتشى وب­لىستىق دەنە شىنىقتىرۋ جانە سپورت باسقارماسىنىڭ العىس حاتىمەن ماراپاتتالدى. ولاردىڭ اراسىندا سپورت ارداگەرلەرى, ۇزدىك جاتتىقتىرۋشىلار مەن سپورتشىلار, ءبىلىم, سپورت ۇيىمدارىنىڭ بەلسەندى قىزمەتكەرلەرى بار. سال­تاناتتى بولىمنەن كەيىن شاعىن مەرەكەلىك كونتسەرت ۇيىمداس­تىرىلدى.

الماتى وبلىسى