استانادا تانىمال تۇلعالار قار كۇرەدى

تازالىق اكتسياسىنا ستۋدەنتتەر دە بەلسەنە ارالاستى. ءىس-شارا بارىسىندا الدىڭعى توپ وكىلدەرى جاس ىزدەنۋشىلەرگە  مۇحتار اۋەزوۆتىڭ ءومىرى مەن شىعارماشىلىعى تۋرالى ايتىپ بەردى. 

«بۇل سەنبىلىك – ەكولوگيا ماسەلەلەرىنە قوعامنىڭ نازارىن اۋدارۋمەن قاتار, جاستارعا ۇلتتىق مادەنيەت پەن ادەبي مۇرا تۋرالى ماڭىزدى اقپاراتتى جەتكىزەتىن ءىس-شارا. ءارى «تازا قازاقستان» دەگەن ءسوز ول جاي ەكولوگيالىق ورتانىڭ تازالىعى ەمەس, ول جان دۇنيەنىڭ, ءتىلدىڭ, رۋحتىڭ, سانانىڭ تازالىعىن دارىپتەۋگە جول اشقانى دۇرىس. اركىم تازالىقتى وزىنەن باستايدى دەپ ايتىپ ءجۇرمىز. ەندەشە ادامدار سول تازالىقتى تىلىنەن, ادەپ-يبا مىنەزىنەن باستاسا, وندا ناعىز «تازا قازاقستان» بولار ەدىك. ەلىمىزدى قوقىس پەن قاردان عانا ەمەس, جەمقورلىق پەن پاراقورلىقتان, ادىلەتسىزدىكتەن دە تازارتساق, سوندا ءبىزدىڭ باستى ميسسيامىزدىڭ ورىندالعانى بولار ەدى», دەدى جازۋشى, حالىقارالىق الاش سىيلىعىنىڭ لاۋرەاتى تولىمبەك ءابدىرايىم.

قالالىق اكىمدىك «تازا قازاقستان. استانا - تازالىق پەن ءتارتىپتىڭ ۇلگىسى» اكتسياسى جالعاسىپ جاتقانىن ءمالىم ەتتى.

ەكواكتسيا شەڭبەرىندە شاھاردا قالانى,  ارىق, كارىز جەلىلەرىن سانيتارلىق تازالاۋ, كوشەلەردى, تروتۋارلاردى, ورامىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر.