ەكونوميكالىق ارىپتەستىك نىعايا بەرەدى

پرەمەر-مينيستر ول­جاس بەك­تەنوۆ قىتاي حالىق رەس­پۋب­ليكاسىنىڭ قازاق­ستان­داعى توتەنشە جانە وكىلەتتى ەلشىسى چجان سياومەن ەكىجاقتى ساۋدا-ەكونوميكالىق جانە مادەني-گۋمانيتارلىق ىن­تى­ماقتاستىقتى ارتتىرۋ جونىندەگى بىرلەسكەن جۇمىس ناتيجەلەرىن تالقىلادى.

كەزدەسۋ چجان سياونىڭ قازاقستانداعى قحر ەلشىسى رەتىندەگى ديپلوماتيالىق ميسسياسىنىڭ اياقتالۋىنا ورايلاستىرىلىپ وتىر.

ولجاس بەكتەنوۆ ەكى مەملە­كەت باسشىلارىنىڭ العا قوي­عان مىندەتتەرىنە قول جەتكىزۋ­دەگى سىندارلى جۇ­مىس­تار­دى اتاپ ءوتتى. كەيىنگى جىل­دارى ەكىجاق­تى ەكونوميكا­لىق بايلانىس­تاردى نىعايتۋدا ايتارلىقتاي جەتىستىكتەرگە قول جەتكىزىل­دى. قارىم-قاتىناستاردى ىنتى­­ماقتاستىقتىڭ جاڭا دەڭگەيىنە كوتەرۋ تاۋار اينالىمىن ارتتىرۋعا, ەكسپورتتى كەڭەيتۋگە جانە ينۆەس­تيتسيا تارتۋعا ىقپال ەتەدى. قىتاي قازاقستاننىڭ ءىرى ساۋدا سەرىكتەسى بولىپ قالا بەرەدى. ترانسكاسپي مۋلتيمودالدى ءدالىزى بويىنشا تاسىمالداناتىن جۇك اعىنىن ارتتىرۋ ىنتىماقتاستىق الەۋەتىن اشۋدىڭ كەلەشەگى زور قۇرالى بولماق.

ءوز كەزەگىندە چجان سياو جىل باسىنان بەرى ەلدەر اراسىنداعى تاۋار اينالىمى 12%-عا ءوسىپ, 36,5 ملرد دوللاردى قۇراعانىن حابارلادى. سونداي-اق قىتاي ەلشىسى ەل نارىعىنا ءىرى قىتاي ينۆەستورلارىنىڭ قىزىعۋشىلىعى ارتىپ وتىر­عانىن ايتتى, بۇل قولايلى بيزنەس-كليماتتى كورسەتەدى.

اڭگىمەلەسۋ قورىتىندىسى بويىنشا تاراپتار جان-جاقتى ساۋدا-ەكونوميكالىق ارىپتەس­تىكتى ودان ءارى نىعايتۋدىڭ ماڭىزدىلىعىن اتاپ ءوتتى.