وزىق تەحنيكالار كورمەسى

كورمە اياسىندا جاڭا ونىمدەر – جول قۇرىلىسى تەحنيكاسى, جابدىقتار مەن اسپاپتار كوپشىلىككە تانىستىرىلدى. ولار تاياۋ بولاشاقتا جول قۇرىلىسى مەن كولىك ينفراقۇرىلىمىنىڭ قۇرىلىسى تۋرالى ادەتتەگى ۇعىمداردى وزگەرتپەك.

«جول سالاسىن ودان ءارى دامىتۋ بو­يىنشا بىرقاتار مىندەت تۇر. اتاپ ايت­قاندا, جولدىڭ پايدالانۋ جاع­دايىن قامتاماسىز ەتىپ, ساپاسىن ارت­تى­رۋ كەرەك. سونداي-اق زاماناۋي جول ينفرا­قۇرىلىمىن قۇرىپ, ون­داعى قاۋىپ­سىزدىكتى ءتيىمدى باسقارۋدى قام­تاماسىز ەتۋ ماڭىزدى. جازعى جانە قىسقى جولداردى كۇتىپ ۇستاۋدىڭ قا­جەتتى دەڭگەيىن قالىپتى ۇستاۋ دا وزەك­تى», دەدى كولىك ءمينيسترى مارات قاراباەۆ.

بيىل ەلىمىزدە 12 مىڭ شاقىرىم جول جوندەۋ جۇمىسىمەن قامتىل­عان. قاراعاندى – الماتى, تالدىقورعان – وسكەمەن, اقتوبە – قاندىاعاش, اتىراۋ – استراحان سياقتى جالپى ۇزىندىعى 2 مىڭ شاقىرىم بولاتىن 4 ءىرى جول جوباسىن قايتا جاڭعىرتۋ جۇمىسى اياقتالىپ جاتىر.

ء«ىرى جوبالاردىڭ اياقتالۋىنا بايلانىستى ەلدىڭ ترانزيتتىك الەۋەتىن ودان ءارى جاقسارتۋعا قاتىستى جاڭا جوبا دايىنداۋ جۇمىسى باستالدى. 2029 جىلعا قاراي ۇزىندىعى 4 500 كم قۇرايتىن 12 جوبانى جۇزە­گە اسىرۋ جوسپارلاندى. قازىر جوبا­لىق قۇجات دايىندالىپ, قارجى كوز­دەرى مەن ولاردى تارتۋ تەتىكتەرى پى­سىقتالدى. سوڭعى جوبالاردى ىسكە اسى­رۋ تاجىريبەسىن ەسكەرىپ, مەردىگەر مەن جوبالاۋشى جاۋاپكەرشىلىگىن ارتتىرۋ ماقساتىندا حالىقارالىق قارجى ينستيتۋتى قولداۋىمەن بۇل جوبالارعا EPCM كەلىسىمشارتتارى مەن FIDIC قاعيداتتارى ەنگىزىلدى», دەدى م.قاراباەۆ.

كورمەگە «Q Smart-PM» اسفالتى­نىڭ تۇراقتىلىعىن ارتتىرۋعا ار­نالعان موديفيكاتور, «Q Smart-P» بەتون جولدارىنىڭ بەرىكتىگىن نىعاي­تاتىن قوسپا, توپىراقتى نىقتاپ, نىعىزداۋعا قولداناتىن «Q Smart-S» ماتەريالى قويىلدى. ال كوكتايعاققا قارسى «Q SmartAntiGlaze» ەكورەاگەنتى مەن «Q Smart» جەكە برەندى, سونداي-اق قازجولعزي-دىڭ بىرقاتار ازىرلەمەسى جان-جاقتى تانىستىرىلدى.

«2024 جىل ينستيتۋت تاريحىنداعى ماڭىزدى كەزەڭ بولدى. 65 جىلدىق – جاي عانا اتاۋلى كۇن ەمەس, كوپجىلدىق ەڭبەك پەن جەتىستىكتەردىڭ كورسەتكىشى. ونداعان جىل بويى جوعارى كاسىپقوي­لىقتى, ىسكە دەگەن ادالدىق پەن دامۋ­عا ۇمتىلىپ كەلە جاتقان ۇجىمدى ماق­تان تۇتامىز», دەدى «قازجولعزي» اق باسشىسى ارمان الىباەۆا.

بۇگىندە ينستيتۋت اۆتوموبيل جولدارىن دياگنوستيكالاۋ, ماتەريالدار ساپاسىن باعالاۋ مەن جوبانى عى­لىمي سۇيەمەلدەۋگە ارنالعان جابدىق­تارمەن تولىق قامتاماسىز ەتىلگەن. ۇجىمدا عىلىم دوكتورلارى مەن كاندي­داتتار, سونداي-اق جاس ماماندار بار. قازجولعزي حالىقارالىق ونەر­تا­بىستارعا 19 پاتەنت الدى. بۇل ونىڭ عىلىمي ازىرلەمەلەر جاساۋ بارىسىن­داعى كوشباسشى ەكەنىن راستايدى.

قازجولعزي جول سالاسى ءۇشىن بىرقاتار ماڭىزدى جانە بىرەگەي تسيفر­لىق ءونىم جاسادى. ونىڭ قاتا­رىندا كوشە-جول جەلىسى مەن سۋەم كوپىر­لەردى پايدالانۋدى باسقارۋ جۇيە­سىن, جول-قۇرىلىس ماتەريالدارى مەن جاڭا تەحنولوگيالاردىڭ بىرىڭعاي بازاسىن, «Jolshy» تسيفرلىق بازاسىن, اشىقتىقتى قامتاماسىز ەتۋگە ىقپال ەتەتىن «Jollab» زەرتحاناسىنا ارنالعان ەلەكتروندىق پلاتفورما بار.

«Kaztraffic-2024» كورمەسى عىلىمي-تەحنيكالىق باعىت, IT-يندۋستريا, اۆيا­تسيا, اگرارلىق سەكتور, ونەركاسىپتىك ءوندىرىستىڭ بارلىق ءتۇرى, ءوندىرۋشى كەشەن, قۇرىلىس پەن تۇرعىن ءۇي-كوممۋنالدىق شارۋاشىلىق وكىلىنىڭ ماقساتى مەن مۇددەسىن بىرىكتىردى. ءاربىر كەلۋشى ەكسپوزيتسيالارىمەن جەكە تانىسۋعا, سالانىڭ الەمدىك كوشباسشىلارىنىڭ وكىلدەرىمەن تىكەلەي سويلەسۋگە مۇمكىندىك الدى.