اۋىل جولدارىنا اسفالت توسەلدى

بيىل جەتىسۋدا 193 شا­قىرىم جول مەن 54 ەلدى مەكەننىڭ ىشكى جولدارى جوندەلدى. سول قاتاردا اۋدان ور­تالىعى مەن اۋىلداردىڭ اراسىن قو­ساتىن جولدار, اۋىلداردىڭ كىرمە جولدارى, كوپىرلەر, اۋىل­ىشىلىك جولدار بار. ماسەلەن, قاراتال اۋدانىندا وتىز جىلدان استام ۋاقىت جوندەۋ كورمەگەن شالعايداعى كوپبىرلىك اۋىلىنا اپاراتىن جول جوندەلىپ, جۋىر­دا پايدالانۋعا بەرىلسە, وسى اۋدان­داعى تاعى ءبىر ماڭىزدى جول – «ۇشتوبە – ورتاتوبە – كىشىتوبە» باعى­تىنداعى اۆتوتراسسانىڭ قۇرى­لىسى بىتۋگە تاياۋ.

وبلىس اكىمى بەيبىت يساباەۆتىڭ قاراتال اۋدانىنىڭ حالقىمەن كەز­دەسۋىندە كوتەرىلگەن اتالعان جول­داردىڭ ماسەلەسىنە وراي بيۋدجەتتەن قارجى قاراستىرىلىپ, جوندەۋ جۇمىستارى وسى جىلدىڭ ءساۋىر ايىندا باستالعان بولاتىن. بۇگىندە قۇرىلىس جۇمىستارى 95 پايىزعا اياقتالعان.

«ۇشتوبە – ورتاتوبە – كىشى­توبە جولىنىڭ جوندەۋ جۇ­مىستارى بەلگىلەنگەن كەستەگە ساي­كەس جۇرگىزىلدى. جالپى ۇزىن­دىعى 11 شاقىرىم جوندەلدى. مۇندا ەكى قاباتتى, قالىڭدىعى 10 سم جابىن توسەلدى. قازىر اباتتاندىرۋ, جول بەلگىلەرىن ورناتۋ جۇ­مىس­تارى اتقارىلىپ جاتىر», دەدى قاراتال اۋداندىق تۇرعىن ءۇي-كوممۋنالدىق شارۋاشىلىق, جو­لاۋشىلار كولىگى, اۆتوموبيل جول­دارى جانە تۇرعىن ءۇي ينسپەكتسياسى ءبولىمىنىڭ باسشىسى تالعات ۋاليەۆ.

سوڭعى جىلدارى اۋىلدىق جەر­­لەردەگى ينفراقۇرىلىمعا ەرەك­شە كوڭىل بولىنە باستاعانىنا, حالىق كوتەرگەن ماسەلەنىڭ وڭ شە­شىلگەنىنە قاتىستى تۇرعىندار دا پىكىر ءبىلدىردى.

«سوناۋ 1974 جىلدان بەرى وسى ەلدى مەكەندە تۇرامىن. بيىل اۋدان ورتالىعىمەن اۋىلدى جالعايتىن جولىمىز جوندەلدى. وعان قوسا التى كوشەسى بار اۋىلىمىزدىڭ ءتورت كوشەسى جاڭعىرتىلىپ, اسفالت جابىنى توسەلدى. بۇعان دەيىن جاڭا مەكتەپ سالىنىپ وس­كەلەڭ ۇرپاقتىڭ يگىلىگىنە بەرىلگەن بولاتىن. مەديتسينالىق پۋنكتىڭ بىتۋىنە دە از قالدى. اۋىلدىق جەر­گە كوڭىل ءبولىنىپ جاتقانىنا حالىق ريزا», دەدى ورتاتوبە اۋىلى­نىڭ تۇر­عىنى, ارداگەر وراز شەتتى­باي­ ۇلى.

وبلىس اكىمى ءباسپاسوز قىزمە­تىنىڭ مالىمەتىنشە, بيىل جەتىسۋ وڭىرىندە جولداردى سالۋعا, جون­دەۋگە 40,6 ملرد تەڭگە بولىنگەن. وبلىستىق ماڭىزى بار جولداردىڭ 38 شاقىرىمىنا قۇرىلىس پەن قايتا جاڭعىرتۋ, 155,4 كم جەرگە ورتاشا جوندەۋ, 60,6 مىڭ شارشى مەتر جەرگە اعىمداعى جوندەۋ, 54 ەلدى مەكەندە 157 كم كەنتىشىلىك جولداردى سالۋ مەن رەكونسترۋكتسيالاۋ جۇرگىزۋ جوس­پارلانعان. سول سياقتى بالقاش كولىنە دەيىنگى 132 كم جول كەلەسى جىلدىڭ تۋريستىك ماۋسىمىنا دەيىن تولىق پايدالانۋعا بەرىلەدى.

بۇدان بولەك, وبلىس اۋماعىندا رەسپۋبليكالىق ماڭىزى بار اۆتوجولداردى قايتا جاڭعىرتۋعا با­عىتتالعان ءىرى جوبالار ىسكە اسى­رىلدى. ء«ۇشارال – دوستىق», «تال­دىقورعان – ءۇشارال» اۆتوجولدارىن قايتا جاڭارتۋ اياقتالۋعا جا­قىن. وعان قوسا «سارىوزەك – كوكتال», «ايدارلى – كوكتال» اۆتوجولدارىنىڭ ۋچاسكەلەرىندە جوندەۋ جالعاسىپ جاتىر.

جەتىسۋ وبلىسى