الەۋمەتتىك مەديتسينالىق ساقتاندىرۋ قورى كەلەر جىلعا ارنالعان مەديتسينالىق كومەكتى ساتىپ الۋ راسىمدەرىن رەتتەيتىن نورماتيۆتىك-قۇقىقتىق اكتىلەرگە ەنگىزىلگەن وزگەرىستەر تۋرالى حابارلادى.
بۇل جونىندە الەۋمەتتىك مەديتسينالىق ساقتاندىرۋ قورى باسقارما توراعاسىنىڭ ورىنباسارى سۆەتلانا پونومارەۆا تارقاتىپ ايتتى.
«ەندى الەۋمەتتىك مەديتسينالىق ساقتاندىرۋ قورى بەس جىل بويى «ستاتسيونار جاعدايىندا مامانداندىرىلعان مەديتسينالىق كومەك» ءتۇرى بويىنشا ۇزدىكسىز قىزمەت كورسەتۋدە تاجىريبەسى بار جەتكىزۋشىلەرمەن ۇزاقمەرزىمدى كەلىسىمشارت جاساسادى. ول ءۇشىن جەتكىزۋشىلەردىڭ دەنساۋلىق ساقتاۋ سالاسىنداعى جوعارى نەمەسە ءبىرىنشى ساناتتى اككرەديتاتسيا كۋالىگى بولۋعا ءتيىس. سونىمەن قاتار بانكروتتىق نەمەسە تاراتىلۋ پروتسەدۋراسىنا قاتىسى بولماعانى ءجون», دەپ ءتۇسىندىردى س.پونومارەۆا.
ياعني بۇدان بىلاي مەديتسينالىق قىزمەتتەر كولەمىن ءبولۋ كەزىندە ۇزاقمەرزىمدى كەلىسىمشارت جاسالاتىن سۋبەكتىلەرگە باسىمدىق بەرىلەدى. دەنساۋلىق ساقتاۋ سۋبەكتىسى ءوتىنىم بەرەتىن مەديتسينالىق كومەك تۇرلەرى نەمەسە شارتتارى بويىنشا دەرەكتەر بازاسىن جىل سايىن جاڭارتار كەزدە الەۋمەتتىك مەديتسينالىق ساقتاندىرۋ قورى ولاردىڭ وندىرىستىك بازالارىن تەكسەرەدى.
سونىمەن قاتار دەنساۋلىق ساقتاۋ سۋبەكتىلەرىن كومەك تۇرلەرى بويىنشا كولەمدەردى ورنالاستىرۋ راسىمىنە كوشىرۋگە قاتىستى وزگەرىستەر ەنگىزىلدى. بۇل قاتاردا قان ورتالىقتارىنىڭ قىزمەتتەرىن كورسەتۋ, جەدەل مەديتسينالىق كومەك, سانيتارلىق اۆياتسيا قىزمەتتەرىن كورسەتۋ, ايتۆ جۇقتىرعاندارعا الەۋمەتتىك-مەديتسينالىق كومەك كورسەتۋ, تۋبەركۋلەزبەن اۋىراتىن ناۋقاستارعا الەۋمەتتىك-مەديتسينالىق كومەك كورسەتۋ, پسيحيكالىق بۇزىلىستارى بار ادامدارعا الەۋمەتتىك-مەديتسينالىق كومەك كورسەتۋ قىزمەتتەرى بار. قور باسشىلىعى جاڭا سۋبەكتىلەردى, جاڭا مەديتسينالىق كومەك تۇرلەرى بويىنشا ءوتىنىم بەرگەندەردى ساپالى ىرىكتەۋ ماقساتىندا ايماقتىق كوميسسيا مۇشەلەرىنىڭ مەديتسينالىق ۇيىمداردى ارالايتىنىن اتاپ ءوتتى. مەديتسينالىق كومەكتى ساتىپ الۋ راسىمدەرىن رەتتەيتىن وزگەرىستەردىڭ ىشىندە ايماقتىق, رەسپۋبليكالىق كوميسسيا مۇشەلەرىنە قويىلاتىن بىلىكتىلىك تالاپتارى دا قاراستىرىلعان.