سارساڭعا سالعان سۋبسيديا

وڭىرلىك كاسىپكەرلەر پالاتاسىنىڭ ينۆەستيتسيالىق جوبالاردى سۇيە­مەلدەۋ جونىندەگى فرونت-وفي­سىندە اۋىلشارۋاشىلىق تاۋارىن ءوندىرۋشى «كرونوس-پاۆلودار» جشس مەن «پوبەدا» جشس-نىڭ ماسەلەلەرى قارالدى.

بيىل جىل باسىندا ەلىمىزدىڭ ونەركاسىپ جانە قۇرىلىس ءمينيسترىنىڭ بۇيرىعىمەن اۋىل­دا, كەنتتە نەمەسە اۋىلدىق وكرۋگتە جالدامالى تۇرعىن ءۇي سالعان جۇمىس بە­رۋشىلەردىڭ شىعىن­دارىن سۋبسيديالاۋ قاعيدالارى بەكىتىلگەن. ەرەجەدە جۇمىس بەرۋشىمەن سالىنىپ, پاي­دالانۋعا بەرىلگەن تۇرعىن ءۇي شىعىندارىن سۋبسي­ديالاۋ قاراستىرىلعان. الدىن الا مالىمەتتەرگە سۇيەنسەك, وبلىس بويىنشا اۋىل­شا­رۋاشىلىق تاۋارىن وندىرۋشىلەرى 24 ءۇيدىڭ قۇرىلىسىن جۇرگىزىپ جاتىر. ولاردىڭ ەكەۋى – جوعارىدا اتاپ وتكەن ينۆەستورلار.

پاۆلودار وبلىسى پروكۋرورىنىڭ اعا كومەكشىسى جاندوس ساعاتبەكوۆتىڭ ايتۋىنشا, قۇرىلىستاردى سۋبسيديالاۋ ءۇشىن جەرگىلىكتى اتقارۋشى ورگاندار اۋماعىندا ينۆەستورلار تۇرعىن ءۇي سالۋدى جوسپارلاپ وتىرعان اۋىلداردىڭ, كەنتتەردىڭ, اۋىلدىق وكرۋگتەردىڭ ءتىزىمىن انىقتاپ, جەرگىلىكتى وكىلدى ورگاندارمەن بەكىتۋى قاجەت. الايدا بۇل ءتىزىم بەكىتىلمەگەن. وسىعان بايلانىس­تى جەرگىلىكتى اتقارۋشى ورگاندار اتالعان باعىتتى سۋبسيديالاي المايدى جانە قازىردىڭ وزىندە بىرقاتار كەدەرگىلەر بار.

بەلگىلى بولعانداي, «كرونوس-پاۆلودار» جشس بيىلعى ناۋرىز ايىندا وزدەرىن اتالعان تىزىمگە ەنگىزۋدى وتىنگەن. بىراق ماسەلە سول كۇيى ورنىنان قوزعالماعان. ينۆەستور اقسۋ قالاسىنىڭ قاناش قامزين اۋىلىندا قۇرىلىس جۇرگىزىلىپ جاتقاندىعى تۋرالى قايتالاپ ءوتىنىش بەرگەن. ءوتىنىشتى قابىلداپ العاندار تىزىمگە ەنگىزىلەتىنىن ايتىپتى. الايدا اقىر سوڭىندا ءتىزىمنىڭ بەكىتىلمەگەنى انىقتالىپ وتىر. «كرونوس-پاۆلودار» جشس-ءنىڭ زاڭگەرى تاميلا گاشيموۆانىڭ ايتۋىنشا, قاڭتار ايىنان باستاپ كومپانيا قاناش قامزين اۋىلىن قۇرىلىس جۇرگىزەتىن اۋىل­دار تىزىمىنە ەنگىزۋ تۋرالى بىرنەشە حات جازعان. «بيىلعى 5 تامىزدا اقسۋ قالاسىنىڭ قۇرىلىس ءبولىمى مەن پاۆلودار وبلىسىنىڭ قۇرىلىس باسقارماسىنان ەلدى مەكەننىڭ تىزىمگە ەنگىزىلەتىنى تۋرالى جاۋاپ كەلدى. وكىنىشكە قاراي, سودان بەرى قوسىمشا ەش­قانداي اقپارات الا الماي وتىرمىز. ال تۇر­عىن ۇيلەردىڭ قۇرىلىسىن باستاپ كەت­كەنبىز, قازىر جوبا قىزۋ ءجۇرىپ جاتىر», دەيدى ول. سەرىكتەستىك تاۋارلى ءسۇت فەرماسى ينۆەستيتسيالىق جوباسى شەڭبەرىندە ءوز جۇ­مىسشىلارى ءۇشىن جالعا بەرىلەتىن تۇرعىن ءۇي تۇرعىزىپ جاتىر.

مۇنداي ماسەلەگە شارباقتى اۋدانىنداعى «پوبەدا» جشس دە كەزىگىپ وتىر. ء«بىز ءوز قا­راجاتىمىزدى تۇرعىن ۇيلەر مەن وزگە دە نىسانداردىڭ قۇرىلىسىنا سالىپ جا­تىر­مىز. «پوبەدا» جشس ورلوۆكا اۋى­لىن­داعى بارلىق الەۋمەتتىك سالانى ۇنەمى قول­داۋمەن كەلەدى. وتكەن جىلى ەكى پاتەرلى ءبىر ءۇي پايدالانۋعا بەرىلدى. بيىل تاعى ءبىر باسپانانىڭ قۇرىلىسىن باستاپ كەتتىك, ونى 2025 جىلى پايدالانۋعا بەرەمىز. ءبىز الداعى ۋاقىتتا تىزىمگە ەنىپ, مەملەكەتتەن بەرىلەتىن سۋبسيدياعا ىلىگەمىز دەگەن ۇمىتتەمىز», دەيدى سەرىكتەستىك ديرەكتورى ۆلاديمير پولياكوۆ.

وڭىرلىك قۇرىلىس باسقارماسىنىڭ باسشىسى اسقار اجمۇرات قاڭتاردا بەكىتىلگەن سۋبسيديالاۋ ەرەجەسىن جۇزەگە اسىرۋ وبلىستا كەمشىن قالعانىن جاسىرمادى. وكىنىشكە قاراي, قۇرىلىسقا جاۋاپتى جەرگىلىكتى ورگاندار ءتيىستى دارەجەدە جۇمىس جۇرگىزبەگەن. سۋبسيديا تولەۋگە مەملەكەتتىك مەكەمەلەرگە ەڭ الدىمەن اۋىل ءتىزىمىن بەكىتۋ قاجەت. قۇرىلىس باسقارماسى بۇل جۇمىستى بىرتىن­دەپ باستاپ, وبلىستىڭ بەس وڭىرىندە, اتاپ ايتقاندا, اقسۋ قالاسىندا, ەرتىس, اققۋلى, شارباقتى, جەلەزين اۋداندارىنداعى الەۋەت­تى اۋىلدار انىقتالعان. ءتىزىمدى بەكىتۋ ءۇشىن وبلىستىق ماسليحاتقا ءتيىستى حات جولداندى.

ال وبلىستىق ءماسليحاتتىڭ توراعاسى يليا تەرەنچەنكو حات تۇسسە, ماسەلەنى كۇن تارتىبىنە جەدەلدەتىپ شىعاراتىندارىنا ۋادە بەردى. «15 جەلتوقسان كۇنى 2025–2027 جىلدارعا ارنالعان بيۋدجەت بويىنشا ءماسليحات سەسسياسى وتەدى. ەگەر بۇل ءوتىنىم بىزگە, ءماسليحات دەپۋتاتتارىنىڭ بەيىندىك كوميسسياسىنىڭ قاراۋىنا كەلسە, وندا دا ءتيىستى قاراجات كوز­دەلگەن. ءبىزدىڭ تاراپىمىزدان قولداۋ كور­سەتىلەدى», دەيدى ول.

وبلىس پروكۋرورىنىڭ ورىنباسارى باۋىرجان ەرتاەۆ قۇرىلىس باسقارماسىنىڭ باسشىسىنا الگىندەي اۋىلداردىڭ, كەنتتەردىڭ, اۋىلدىق وكرۋگتەردىڭ ءتىزىمىن دايىنداۋعا ءبىر اپتالىق مەرزىم بەردى. سونداي-اق ءماسليحات توراعاسىنان ينۆەستور كاسىپورىندار مەملەكەتتەن سۋبسيديا الۋ ءراسىمىن جەدەلدەتۋدى ءوتىندى.

پاۆلودار وبلىسى