بۇگىن ۇكىمەت وتىرىسىندا 30 نەمەسە ودان دا كوپ جىل بۇرىن الىنعان گەوگرافيالىق اقپاراتتى تسيفرلاندىرۋ ۇسىنىلدى, دەپ جازادى Egemen.kz.
ولجاس بەكتەنوۆ پرەزيدەنت تاپسىرماسىنا وراي ۇلتتىق گەولوگيالىق قىزمەت ءتيىستى قولداۋ مەن وكىلەتتىكتەرگە يە بولۋ كەرەك ەكەنىنە نازار اۋداردى. سوعان ساي ونىڭ عىلىمي-تەحنولوگيالىق ينفراقۇرىلىمىن دامىتۋ ماسەلەسى تالقىلاندى.
ۇكىمەت بۇل باعىتتا «سامۇرىق-قازىنا» قورىمەن بىرلەسكەن جۇمىستى ۇيلەستىرۋدىڭ ماڭىزىن دا ورتاعا سالدى. ەندى زاماناۋي تەحنولوگيالاردى, ونىڭ ىشىندە جەردەگى زەرتتەۋلەرگە شىعىنداردى قىسقارتۋعا مۇمكىندىك بەرەتىن اەروگەوفيزيكالىق تۇسىرىلىمدەر پايدالانىلماق.
وسىعان بايلانىستى 30 جىل بولعان جانە ودان دا بۇرىن الىنعان گەولوگيالىق اقپاراتتى تسيفرلاندىرۋ كەرەك. بۇل دەرەكتەر ءالى كۇنگە دەيىن قاعاز جۇزىندە نەمەسە پلەنكالاردا ساقتالىپ كەلەدى. بۇدان باسقا, ينۆەستيتسيالاردى تارتۋ ماقساتىندا حالىقارالىق قارجى ۇيىمدارى ءۇشىن سەرتيفيكاتتالعان زەرتحانالىق راستاما قاجەت.
«كەن كوزدەرىن بارلاۋ جۇمىستارىنىڭ گەولوگيالىق جانە قارجىلىق تاۋەكەلدەرى قاشاندا جوعارى.الەمدىك ستاتيستيكاعا سايكەس, گەولوگيالىق بارلاۋ جوبالارىنىڭ تابىستى بولۋى نەبارى 20-30%-دى قۇرايدى. سوندىقتان ۇكىمەت وسى سالانى قولداۋعا, ينۆەستيتسيالار تارتۋ ءۇشىن قولايلى جاعداي جاساۋعا, جاڭا ىنتالاندىرۋ تەتىكتەرىن ازىرلەۋگە جانە زاڭنامانى ودان ءارى جەتىلدىرۋگە ەرەكشە نازار اۋدارادى», دەدى ولجاس بەكتەنوۆ.