جەزقازعان قالاسىندا وسىنداي تاقىرىپپەن قازاقتىڭ تۇڭعىش اكادەميگى, ۇلت ماقتانىشى قانىش ساتباەۆتىڭ تۋعانىنا – 125 جىل, ۇلتتىق ارحەولوگيا مەكتەبiنiڭ نەگiزiن قالاۋشى الكەي مارعۇلاننىڭ تۋعانىنا 120 جىل تولۋىنا وراي رەسپۋبليكالىق دوڭگەلەك ۇستەل ءماجىلىسى بولىپ ءوتتى.
مادەنيەت جانە اقپارات مينيسترلىگىنىڭ « ۇلىتاۋ» ۇلتتىق تاريحي-مادەني جانە تابيعي مۋزەي-قورىعىنىڭ ۇيىمداستىرۋىمەن وتكەن ق.ساتباەۆ پەن ءا.مارعۇلاننىڭ قۇندى مۇرالارىنا, ولاردىڭ ۇلىتاۋ وڭىرىندە جاساعان ەرەن ەڭبەكتەرىنە, كاسىبي قىزمەتىنە باعا بەرۋ, سونداي-اق قوس عالىم تۋرالى سيرەك كەزدەسەتىن دەرەكتەرمەن ءبولىسۋدى مۇرات تۇتقان, ماقسات ەتكەن ءىس-شاراعا الماتى, استانا, پاۆلودار, قاراعاندى, ت.ب. قالالارىندا تۇراتىن تاريحشىلار, ولكەتانۋشىلار جانە مۋزەي قىزمەتكەرلەرى قاتىسىپ (وفلاين, ونلاين), بىرنەشە بايانداما جاسادى. ولاردىڭ اراسىندا تاريح عىلىمدارىنىڭ كانديداتى, ءا.مارعۇلان اتىنداعى ارحەولوگيا ينستيتۋتىنىڭ باس عىلىمي قىزمەتكەرى ج.قۇرمانقۇلوۆ, ءا.مارعۇلان اتىنداعى مەكتەپ-ليتسەيدەگى مەموريالدىق مۋزەيدىڭ جەتەكشىسى س.بايدىراحمانوۆا, باياناۋىلداعى ق.ساتباەۆ مۋزەيىنىڭ ديرەكتورى ق.ابىلعازين, ت.ب. بولدى. دوڭگەلەك ۇستەلگە دانەل الكەيقىزى ونلاين قاتىسىپ, ءوز ويلارىن ورتاعا الدى.
ءىس-شاراعا قاتىسۋشىلار تاراپىنان اتالعان تۇلعالاردىڭ مەموريالدىق مۋزەيلەرى ەلىمىزدە ونشا كوپ ەمەس ەكەندىگىنە نازار اۋدارىلدى. ايتالىق, قانىش ساتباەۆتىڭ مەموريالدىق مۋزەيلەرى الماتى قالاسىندا, پاۆلودار جانە ۇلىتاۋ وبلىستارىندا عانا جۇمىس ىستەيتىن بولسا, الكەي حاقان ۇلى مارعۇلاننىڭ مەموريالدىق مۋزەيى تەك استانا قالاسىنداعى № 40 مەكتەپ-ليتسەيىندە عانا بار ەكەن. بۇل, ارينە ويلاندىراتىن جاعداي. جەزدى كەنتىندەگى م.تورەگەلدين اتىنداعى تاۋ-كەن جانە بالقىتۋ ءىسى مۇراجايىنىڭ مەڭگەرۋشىسى ز.قازانباەۆا عالىمداردىڭ زەرتتەگەن سالالارى بويىنشا مۋزەي ۇيىمداستىرۋ ءىسىنىڭ مۇلدەم جولعا قويىلماعانىنا قىنجىلىس ءبىلدىردى. «مىسالى, نەگە ءبىزدىڭ ەلىمىزدە كيىز ءۇي مۋزەيىن ۇيىمداستىرماسقا؟ ءبىر عانا كيىز ءۇي ارقىلى ەتنوگرافيانى دا, تاريحتى دا, ەستەتيكا, ت. ب. قۇندىلىقتاردى دا تانىستىرۋعا بولار ەدى», دەدى ول.
قازاقستاننىڭ ەڭبەك سىڭىرگەن ءانشىسى ع.مۇحامەدين قانىش يمانتاي ۇلى ساتباەۆتىڭ ا.زاتاەۆيچكە جازدىرعان 23 ءانىنىڭ توڭىرەگىندە دە بىرقاتار ءىس-شارانى جۇزەگە اسىرۋدى ۇسىندى.
دوڭگەلەك ۇستەل سوڭى ءا.مارعۇلاننىڭ تۇتىنعان, پايدالانعان زاتتارىنان ۇيىمداستىرىلعان كورمەگە ۇلاستى.
جەزقازعان