اۋىل اكىمدەرىنىڭ فورۋمى

تۇڭعىش رەت ۇيىمداس­تىرى­لىپ وتىرعان جيىنعا وبلىس اكىمىنىڭ ءبىرىنشى ورىنباسارى الىبەك جاقانباەۆ جانە ورىن­باسارى دياس ەسداۋلەتوۆ, «Amanat» پارتياسى ورتالىق اپپاراتىنىڭ باسشىسى ءمادي وسپانوۆ, ءماجىلىس دەپۋتاتى بولات كەرىمبەك, باسقارما باسشى­لا­رى مەن ايماقتاعى 113 اۋىل­دىق وكۋرگتىڭ اكىمدەرى قاتىس­تى. باسقوسۋدا اۋىل-ايماقتار­دىڭ الەۋمەتتىك-ەكونوميكالىق دامۋى مەن اكىمدەردىڭ اتقارار جۇمىستارى سارالاندى.

اۋەلى ءا.جاقانباەۆ قوعام­دىق-ساياسي تۇراقتىلىقتى جانە ورنىقتى دامۋدى قامتاماسىز ەتۋ اكىمدەردىڭ باستى مىندەتى ەكەنىنە توقتالدى.

«وبلىس ەكونوميكاسىن ودان ءارى دامىتۋ مەن حالىقتىڭ ءومىر سۇرۋىنە قولايلى جاعداي جاساۋ ءۇشىن ءبىز بىرلەسكەن, ءتيىمدى جۇمىس ارقىلى ءوڭىردىڭ ءال-اۋقاتىن جاق­سارتۋداعى مىندەتتەرگە قول جەت­كىزە الاتىنىمىزعا سەنىمدىمىن», دەدى وبلىس باسشىسىنىڭ ءبىرىنشى ورىنباسارى.

وسى ورايدا «Amanat» پار­تياسىنىڭ اپپارات باسشىسى ءمادي جارىلقاسىن ۇلى جەرگىلىكتى اتقارۋشى بيلىكتىڭ جاۋاپكەرشىلىگى جوعارى بولۋعا ءتيىس ەكەنىن العا تارتتى.

«اۋىل اكىمدەرىنىڭ فورۋمى قازىرگى ۋاقىتتا ەلىمىزدىڭ بارلىق ايماعىندا ءوتىپ جاتىر. فورۋمدا ايتىلعان ۇسىنىستار مەن يدەيالار, تىڭ باستامالار «Amanat» پارتياسىنىڭ اتىنان سايلانعان اۋىل اكىمدەرىنىڭ تاباندى جۇمىسى مەن كاسىبي شەبەرلىگىنە جاڭا سەرپىن بەرەدى دەپ ەسەپتەيمىن. مەملەكەت باسشىسى قاسىم-جومارت توقاەۆ اۋىل اكىمدەرىن تىكەلەي سايلاۋ جۇ­يەسىن ەنگىزگەننەن بەرى جىل سايىن حالىق ەلدى مەكەن باسشىلارى­­نا قاتىستى ءوز تاڭ­داۋىن جاساپ كەلە­دى. وڭىردە 2021 جىلدىڭ شىلدەسى­نەن باستاپ 113 اۋىل اكىمدەرىنىڭ سايلاۋى وتكىزىلدى, ونىڭ ىشىندە پارتيادان ۇسىنىلعان 111 (98%) كانديدات جەڭىسكە جەتتى. بۇل – ءبىزدىڭ باعدارلامالارىمىز بەن باستامالارىمىزعا دەگەن حالىق سەنىمىنىڭ ايقىن دالەلى», دەدى م.وسپانوۆ.

«Amanat» پارتياسى ەلدى مە­­كەندەردەگى كاسىپكەرلىكتى دا­مى­­تۋعا, ەكونوميكالىق احۋال­دى ارت­تىرۋعا باسا نازار اۋدا­رادى. ءدال وسى ماقساتتا فورۋم بارى­سىندا «قارىزسىز قوعام», «قۇ­قىق­تىق كومەك» جوبا­لارىنىڭ جانە جول كارتاسى اياسىندا جۇ­زەگە اسىپ جاتقان جەتىس­تىك­تەر تالقىلاندى. ماسەلەن, «قارىز­سىز قوعام» جوباسىن ىسكە اسىرۋ ءۇشىن وبلىس ورتالىعىندا جو­با­لىق كەڭسە اشىلىپ, وسى جىل­دىڭ 5 اقپانىنان باستاپ جەتىسۋ وب­لىسىنىڭ بارلىق اۋدان, قالا­لارىندا 7 300 ادام وقىتىلدى.

ءوڭىر اكىمى ءباسپاسوز قىزمە­تى­نىڭ مالىمەتىنشە, بيىل وڭىردە 349,3 مىڭ شارشى مەتر تۇرعىن ءۇي سالۋ جوسپارلانعان, 8 ايدا 150,2 مىڭ شارشى مەتر نەمەسە 43% تۇرعىن ءۇي پايدالانۋعا بەرىلدى. جىل سوڭى­نا دەيىن 4 117 ءۇي بەرىلىپ, تۇرعىن ءۇي كەزەگى 14%-عا تومەندەيدى. وبلىس­تا ورتالىقتاندىرىلعان سۋمەن قامتۋ دەڭگەيى – 91,1%. وبلىس­تىق دەڭگەيدەگى 182 شاقىرىم جانە 54 ەلدى مەكەننىڭ ىشكى جولدارى جوندەلىپ, بالقاش كولىنە دەيىنگى 132 شاقىرىم جولدىڭ 117 شا­قىرىمىنا اسفالت توسەلگەن.

اۋىلدىق اكىمدەر فورۋمنىڭ ۇيىمداستىرىلۋى وزدەرى ءۇشىن پايدالى بولعانىن ايتادى.

«حالىقتىڭ پارتيا مەن ات­قارۋشى بيلىككە دەگەن سەنىمى ساي­لاۋالدى ۋادەلەردىڭ ورىن­دا­لۋىمەن تىكەلەي بايلانىس­تى. سوندىقتان ولاردى ۋاقتى­لى جانە ساپالى ورىنداۋ – بار­شامىزدىڭ باستى مىندەتىمىز. شالعايداعى اۋىل اكىمدەرىنىڭ جۇمىسىنا ءارتۇرلى باعىتتار بويىنشا ادىستەمەلىك قولداۋ قا­شاندا قاجەت. بۇگىنگى جيىندا ءوز جۇمىسىمدى جۇيەلى ۇيىمداستىرۋدىڭ تاعى دا ءبىر قىرىن يگەردىم», دەدى پانفيلوۆ اۋدانىنا قاراستى ۇلكەناعاش اۋىلدىق وكرۋگىنىڭ اكىمى ەرمەك نۇراحمەتوۆ.

فورۋم اياسىندا پانەلدىك سەسسيالار دا ۇيىمداستىرىلدى. وندا اۋىل اكىمدەرى «Amanat» پارتياسىنىڭ سايلاۋالدى باع­دارلاماسىن ىسكە اسىرۋ, پار­تيالىق جوبالاردى ىلگەرىلەتۋ, قىزمەتتى كاسىبيلەندىرۋگە نەگىز­دەلگەن مەملەكەتتىك قىزمەتتىڭ جاڭا قاعيداتتار مەن قادامدار, سىبايلاس جەمقورلىقتىڭ الدىن الۋ, مەملەكەتتىك ساتىپ الۋدى ىسكە اسىرۋ, اگروونەركا­سىپ كەشەنىندەگى مەملەكەتتىك قولداۋدىڭ قولجەتىمدى تەتىكتە­رىن قالىپتاستىرۋ, كاسىپكەرلىككە قولداۋ كورسەتۋ جانە ينۆەستي­تسيا تارتۋ شارالارى, قوعام­دىق-ساياسي احۋال جانە بۇقارا­مەن جۇمىس ىستەۋ سەكىلدى ءتۇرلى باعىتتاردا ارنايى مامانداردان ءدارىس الدى.

جەتىسۋ وبلىسى