قىرعىزستاندا مەكتەپ وقۋشىلارى تاتتىدەن ۋلانىپ قالعان

شۋ وبلىسى ءىىب-ءنىڭ مالىمەتىنشە, 27 قاراشادا توقموك قالالىق اۋرۋحاناسىنا يسكرا اۋىلىنىڭ كامەلەتكە تولماعان 12 تۇرعىنى (2012, 2009, 2008 ج.ت.) تاماقتان ۋلانۋ دياگنوزىمەن تۇسكەن. زارداپ شەككەندەرگە مەديتسينالىق كومەك كورسەتىلىپ, بارلىعى ۇيلەرىنە شىعارىلعان.

اتالعان فاكتى تىركەلىپ, تەرگەۋگە دەيىنگى تەكسەرۋ امالدارى باستالعان.

7-سىنىپتىڭ 12 جاسار وقۋشىسى يسكرا اۋىلىنىڭ قوقىس پوليگونىنان «BEN 10» كامپيتتەرى مەن بوتەلكەدەگى ءتاتتى سپرەي پاكەتىن تاپقانى انىقتالعان. ارتىنشا بالالار تاتتىلەردەن ۋلانعان.

ونىمدەر تاركىلەنىپ, سوت-مەديتسينالىق ساراپتامالار تاعايىندالعان. قازىرگى تاڭدا مەكتەپ وقۋشىلارىنىڭ جاعدايى تۇراقتى دەپ باعالانعان.