بۇل بولىمشەلەر ەندى ۇلى وتان سوعىسىنىڭ ءۇش باتىرى باۋىرجان مومىش ۇلىنىڭ, قاسىم قايسەنوۆتىڭ, مارتبەك مامراەۆتىڭ, سونداي-اق كوماندير ەسەت باتىردىڭ ەسىمدەرىمەن اتالادى, دەپ حابارلايدى Egemen.kz.
1. «قازاقستان رەسپۋبليكاسى توتەنشە جاعدايلار مينيسترلىگىنىڭ باۋىرجان مومىش ۇلى اتىنداعى 28237 اسكەري ءبولىمى» رەسپۋبليكالىق مەملەكەتتىك مەكەمەسى.
2. «قازاقستان رەسپۋبليكاسى توتەنشە جاعدايلار مينيسترلىگىنىڭ قاسىم قايسەنوۆ اتىنداعى 68303 اسكەري ءبولىمى» رەسپۋبليكالىق مەملەكەتتىك مەكەمەسى.
3. «قازاقستان رەسپۋبليكاسى توتەنشە جاعدايلار مينيسترلىگىنىڭ مارتبەك مامراەۆ اتىنداعى 52859 اسكەري ءبولىمى» رەسپۋبليكالىق مەملەكەتتىك مەكەمەسى.
3-1. «قازاقستان رەسپۋبليكاسى توتەنشە جاعدايلار مينيسترلىگىنىڭ كوكى ۇلى ەسەت باتىر اتىنداعى 20982 اسكەري ءبولىمى» رەسپۋبليكالىق مەملەكەتتىك مەكەمەسى.
ەستەرىڭىزگە سالا كەتەيىك, بۇعان دەيىن قازاقستان رەسپۋبليكاسى ۇكىمەتىنىڭ 2022 جىلعى 22 قاراشاداعى №937 قاۋلىسىمەن ۇلتتىق ۇلاننىڭ 5571 اسكەري بولىمىنە كەڭەس وداعىنىڭ باتىرى, قازاقستاننىڭ حالىق قاھارمانى, گۆارديا پولكوۆنيگى باۋىرجان مومىش ۇلىنىڭ ەسىمى بەرىلگەن ەدى.