دەنساۋلىق ساقتاۋ مينيسترلىگىنىڭ مالىمەتىنشە, قازان ايىنىڭ باسىنداعى جاعداي بويىنشا قازاقستاندا 90 981 ادام ىشىمدىككە تاۋەلدى رەتىندە ەسەپتە تۇرسا, ونىڭ 100-دەن استامى - بالالار, دەپ حابارلايدى Egemen.kz.
وتكەن جىلدىڭ سايكەس كەزەڭىمەن سالىستىرعاندا الكوگولگە تاۋەلدى ادامداردىڭ سانى 89 918-دەن 1,2%-عا ءوستى. الايدا, پاندەميا جىلدارىندا (2019-2023 جىلدار ارالىعىندا) تىركەلگەن جاعدايلار سانىنىڭ 9,1%-عا تومەندەۋى بايقالعان.
دەنساۋلىق ساقتاۋ مينيسترلىگىنىڭ مالىمەتىنشە, 2024 جىلدىڭ 1 قازانىنداعى جاعداي بويىنشا قازاقستاندا ىشىمدىككە تاۋەلدى 90 981 ادام ەسەپتە تۇر. ونىڭ 109-ى - كامەلەتكە تولماعاندار.
قازاقستاندا الكوگولگە تاۋەلدى رەتىندە ەسەپتە تۇرعان بالالاردىڭ 64-ءى - ۇل, 45-ءى - قىز بالا.
ەسكە سالايىق, قازاقستاندا ناركولوگيالىق ديسپانسەردە ەسەپكە قويۋ پسيحواكتيۆتى زاتتارعا بايلانىستى رەسمي دياگنوز بولعان كەزدە 16 جاستان باستاپ جۇزەگە اسىرىلادى.