مەملەكەت باسشىسى قاسىم-جومارت توقاەۆ كنياز II البەردى موناكونىڭ ۇلتتىق كۇنىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قازاقستان پرەزيدەنتى موناكونىڭ ورنىقتى دامۋ, قورشاعان ورتانى قورعاۋ جانە بارشا ادامزات ءۇشىن قاۋىپسىز كەلەشەكتى قامتاماسىز ەتۋ ىسىندە ۇلكەن كۇش-جىگەر جۇمساپ كەلە جاتقانىن اتاپ ءوتتى.
قاسىم-جومارت توقاەۆ قازاقستان مەن موناكو اراسىنداعى دوستىققا نەگىزدەلگەن ىنتىماقتاستىق الداعى ۋاقىتتا دا قوس حالىقتىڭ يگىلىگى جولىندا نىعايا بەرەتىنىنە سەنىم ءبىلدىردى.
مەملەكەت باسشىسى كنياز II البەرگە جانە موناكو حالقىنا باق-بەرەكە تىلەدى.