قازاقستان ازاماتى اسا ءىرى كولەمدە الاياقتىق جاساعانى ءۇشىن قىلمىستىق جاۋاپتىلىققا تارتۋ ماقساتىندا رەسەي فەدەراتسياسىنان ەكستراديتسيالاندى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
انىقتالعانداي, كۇدىكتى 2019-2020 جىلدار ارالىعىندا كاسىپكەردى الداۋ جانە سەنىمىنە قيانات جاساۋ ارقىلى جالپى سوماسى 53 ميلليون تەڭگە مولشەردە ارنايى تەحنيكانى, سونداي-اق الاياققا تيەسىلى ەمەس كولىكتى 35 ميلليون تەڭگەگە ساتىپ, ءىرى كولەمدەگى قاراجاتتى جىمقىرعان.
قىلمىس جاساعاننان كەيىن كۇدىكتى قاشىپ كەتكەن, سول سەبەپتى ول حالىقارالىق ىزدەۋگە جاريالانعان.
«وسى جىلدىڭ شىلدە ايىندا ول سانكت-پەتەربۋرگ قالاسىندا ۇستالدى. قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا ول ەلگە ەكستراديتسيالاندى. قازىرگى ۋاقىتتا كۇدىكتى پەتروپاۆل قالالىق تەرگەۋ يزولياتورىندا وتىر», دەلىنگەن حابارلامادا.
كۇدىكتىنىڭ مۇلكى تاركىلەنىپ, بەس جىلدان ون جىلعا دەيىنگى مەرزىمگە باس بوستاندىعىنان ايىرىلۋى مۇمكىن.