استانادا مەملەكەت باسشىسى قاسىم-جومارت توقاەۆتىڭ قاتىسۋىمەن اۋىل شارۋاشىلىعى ەڭبەككەرلەرىنىڭ ءبىرىنشى فورۋمى ءوتتى. فورۋمدا اتالعان سالانىڭ دامۋىنا قاتىستى نەگىزگى ماسەلەلەر تالقىلاندى. وسى رەتتە, ءماجىلىس دەپۋتاتى ايداربەك حودجانازاروۆ پرەزيدەنتتىڭ كوتەرگەن تاقىرىپتاردىڭ قوعام بەلسەندىلەرى ايتىپ جۇرگەن ماسەلەلەرىمەن ۇندەس ەكەنى ەرەكشە قۋانتاتىنىن جەتكىزدى.
ونىڭ ايتۋىنشا, بۇل ماڭىزدى جيىن - وتاندىق اگروسالانىڭ دامۋ جولدارىن تالقىلاۋعا, قاجەتتى باستامالاردى جۇزەگە اسىرۋعا باعىتتالعان ۇلكەن قادام.
سونىمەن قاتار دەپۋتات فورۋمدا جىلقى شارۋاشىلىعى ينستيتۋتىن قۇرۋ باستاماسى كوتەرىلگەنىن اتاپ ءوتتى. سونداي-اق ول بۇل قۋانىشتى جاڭالىقتىڭ ەلىمىزدەگى جىلقى شارۋاشىلىعىن دامىتۋعا جاڭا سەرپىن بەرەتىنىن تىلگە تيەك ەتتى.
«پرەزيدەنت ءوز سوزىندە اۋىل شارۋشىلىعىنىڭ ۇلتتىق ەكونوميكاداعى ءرولىن ەرەكشە اتاپ ءوتتى. جالعان ستاتيستيكامەن كۇرەسۋ قاجەت ەكەنىن ايتتى. دەرەكتەردىڭ شىنايىلىعى سالانى ءتيىمدى باسقارۋدىڭ جانە دامۋ پەرسپەكتيۆالارىن دۇرىس بولجاۋدىڭ نەگىزى ەكەنى ايتىلدى», دەدى ول.
ايداربەك حودجانازاروۆتىڭ ايتۋىنشا, فورۋم - اۋىل شارۋاشىلىعىنداعى مىڭداعان قاراپايىم قىزمەتكەردىڭ ەڭبەگىن باعالاپ, ولاردى جاڭا جەتىستىكتەرگە ىنتالاندىرۋعا ارنالعان ەرەكشە وقيعا.
«اۋىل - حالقىمىزدىڭ رۋحاني جانە ەكونوميكامىزدىڭ ماڭىزدى تىرەگى. سوندىقتان اگرارلىق سالاداعى رەفورمالار مەن باستامالار اۋىل ءومىرىن جاقسارتۋعا, قازاقستاننىڭ ازىق-ت ۇلىك قاۋىپسىزدىگىن قامتاماسىز ەتۋگە جانە ەكونوميكامىزدىڭ تۇراقتى دامۋىنا سەپتىگىن تيگىزەدى», دەيدى ا.حودجانازاروۆ.