شىعىس قازاقستان وبلىسىنداعى تاۋلى جەرلەردە 15 قاراشادان باستاپ قار كوشكىنى ءجۇرۋى مۇمكىن, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, وڭىردە قار كوشكىنى ءجۇرۋ قاۋپى بار.
«15 قاراشادان باستاپ مەتەورولوگيالىق جاعدايدىڭ وزگەرۋىنە, ءجيى قار جاۋىنا جانە جەلدىڭ كۇشەيۋىنە بايلانىستى وبلىستىڭ تاۋلى جەرلەرىندە قار كوشكىنى ءتۇسۋى ىقتيمال. وسى رەتتە, تۇرعىندارعا بارىنشا اباي بولۋدى, ەشبىر جاعدايدا تاۋعا شىقپاۋ قاجەتتىگىن ەسكەرتەمىز. ەگەر قانداي دا ءبىر قيىندىققا تاپ بولساڭىزدار, بىردەن «112» نومىرىنە قوڭىراۋ شالىڭىز», دەپ حابارلادى ۆەدومستۆو وكىلدەرى.
سونداي-اق قۇتقارۋشىلار ءوڭىر جۇرتشىلىعىنا الىس ساپارعا شىعار الدىندا جولداردىڭ جاي-كۇيىن «دارمەن» ءموبيلدى قوسىمشاسى ارقىلى تەكسەرىپ وتىرۋعا كەڭەس بەردى.