قر باس پروكۋراتۋراسى مەن قر ءىىم ينتەرپولىنىڭ قىزمەتكەرلەرى قازاقستان رەسپۋبليكاسى سىرتقى ىستەر مينيسترلىگىنىڭ كومەگىمەن تۇركيا رەسپۋبليكاسىنان اسا ءىرi مولشەردە پسيحوتروپتىق زاتتاردىڭ انالوگتارىن زاڭسىز ساقتاعانى ءۇشىن قىلمىستىق جاۋاپكەرشىلىككە تارتۋ ماقساتىندا قازاقستان ازاماتىن ەكستراديتسيالادى, دەپ حابارلايدى Egemen.kz.
باس پروكۋراتۋرانىڭ حابارلاۋىنشا, استانادا 2022 جىلدىڭ جەلتوقسانىندا پوليتسيا قىزمەتكەرلەرى جەدەل ىزدەستىرۋ شارالارىن جۇرگىزۋ بارىسىندا ودان اسا ءىرى كولەمدە, 17 قاپشىقشا مەتكاتينون تاركىلەگەن.قىلمىس جاساعاننان كەيىن كۇدىكتىنىڭ جاسىرىنۋىنا بايلانىستى ول حالىقارالىق ىزدەۋگە جاريالانعان.
«بيىلعى جىلى قازاندا كۇدىكتى انتاليا قالاسىندا ۇستالىپ, كەيىن قازاقستان رەسپۋبليكاسىنا ەكستراديتسيالاندى. قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى», دەلىنگەن حابارلامادا.
ايىپتالۋشىنىڭ مۇلكى تاركىلەنىپ, 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.