سەنات سپيكەرى ماۋلەن اشىمباەۆتىڭ توراعالىعىمەن پالاتا بيۋروسى ءوتتى. وندا دەپۋتاتتار 14 قاراشادا وتەتىن سەنات وتىرىسىنىڭ كۇن ءتارتىبىن بەكىتتى جانە پالاتانىڭ وسى اپتاداعى ءىس-شارالار جوسپارىن پىسىقتادى.
الداعى بەيسەنبىدە سەناتورلار «قازاقستان رەسپۋبليكاسىنىڭ ۇكىمەتى مەن قاتار مەملەكەتىنىڭ ۇكىمەتى اراسىنداعى اسكەري ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭدى قارايدى. كەلىسىم اسكەري ءبىلىم بەرۋ, اسكەري قىزمەتشىلەردى دايارلاۋ, اسكەري مەديتسينا, اسكەري عىلىم, مادەني جانە سپورتتىق ءىس-شارالار, بەيبىتشىلىكتى قولداۋ جونىندەگى وپەراتسيالارعا, جاۋىنگەرلىك دايارلىققا, سونداي-اق وزگە دە باعىتتارعا بايلانىستى ماسەلەلەر بويىنشا كونسۋلتاتسيالار سالاسىنداعى ىنتىماقتاستىقتى دامىتۋعا جانە نىعايتۋعا ارنالعان.
سونىمەن قاتار زاڭ نورمالارى اسكەري ىنتىماقتاستىق سالاسى مەن نىساندارىن ايقىنداۋدى, تاراپتاردىڭ اسكەري ىنتىماقتاستىعىن ۇيلەستىرۋ جونىندەگى ءوزارا ءىس-قيمىل تەتىگىن بەلگىلەۋدى, اسكەري م ۇلىك ءترانزيتى, ماتەريالدىق-تەحنيكالىق قامتاماسىز ەتۋ جانە قارجىلاندىرۋ, اۋە كەڭىستىگى مەن اسكەري پوليگونداردى پايدالانۋ, تىلدىك دايارلىق جۇرگىزۋ ماسەلەلەرىن دە رەتتەۋدى كوزدەيدى.
بۇعان قوسا بيۋرودا بۇعان دەيىن ءماجىلىس قابىلداعان زاڭدار جۇمىس ءۇشىن سەناتتىڭ تۇراقتى كوميتەتتەرىنە ءبولىنىپ بەرىلدى.