الماتى قالاسى مەدەۋ اۋدانىنىڭ سوتىمەن «الماتى باس جوسپارى» جشس باس ديرەكتورىنىڭ ورىنباسارى س. ءومىرالى ۇلى سوتتالدى, دەپ حابارلايدى Egemen.kz.
«ول الاياقتىق جاساعانى جانە جەرگىلىكتى كاسىپكەردى جەر ۋچاسكەسىنىڭ نىسانالى ماقساتىن وزگەرتكەنى ءۇشىن قالالىق جەر قاتىناستارى باسقارماسىنىڭ لاۋازىمدى ادامىنا 9,6 ملن تەڭگە سوماسىندا پارا بەرۋگە يتەرمەلەگەنى ءۇشىن كىنالى دەپ تانىلدى», دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ حابارلاماسىندا.
سوت ۇكىمىمەن وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋ قۇقىعىنان ءومىر بويى ايىرا وتىرىپ, 3 جىل 6 اي مەرزىمگە باس بوستاندىعىنان ايىرۋ جازاسى تاعايىندالعان.سوت ۇكىمى زاڭدى كۇشىنە ەنگەن جوق.