قاراعاندى وبلىسىندا سالىنىپ جاتىرعان زاۋىتتا دانەكەرلەۋشى قازا تاپقان, دەپ حابارلايدى Egemen.kz.
eKaraganda.kz-ءتىڭ اقپاراتىنشا ەر ادام 3 قاراشا كۇنى مونتاجداۋ جانە دانەكەرلەۋ جۇمىستارىن جۇرگىزۋ كەزىندە بيىكتەن قۇلاپ كەتكەن.
ەڭبەك ينسپەكتسياسىنىڭ دەپارتامەنتى وقيعانى تەرگەۋ جونىندەگى كوميسسيا قۇرىلاتىنىن مالىمدەسە, ءوڭىردىڭ پوليتسيا دەپارتامەنتى «ابايسىزدا ادام ولىمىنە اكەپ سوققان ءىس-ارەكەت» بابى بويىنشا سوتقا دەيىنگى تەرگەۋدى باستاپ كەتكەن.
ساراپتامالار تاعايىندالىپ, وقيعانىڭ ءمان-جايى انىقتالىپ جاتىر.