قازاقستان ۋاقىتىمەن 7 جەلتوقساننان 8-ىنە قاراعان ءتۇنى شاۆكات راحمونوۆ تيتۋلدىق جەكپە-جەك وتكىزۋى ءتيىس ەدى. الايدا ونىڭ قارسىلاسى, جارتىلاي ورتا سالماقتاعى بەلبەۋدىڭ يەگەرى بەلال مۋحامماد جاراقاتىنا بايلانىستى كەزدەسۋ وتپەيتىنىن مالىمدەدى, دەپ جازادى Egemen.kz.
شاۆكات راحمونوۆ بۇل مالىمدەمەگە قاتىستى پىكىرىن ح الەۋمەتتىك جەلىدەگى پاراقشاسىندا ءبىلدىردى.
«بەلالدىڭ تەز ساۋىعىپ كەتۋىن تىلەيمىز. 100% قايتىپ كەلگەندە كەزدەسەمىز. ازىرگە مەن #UFC310 تۋرنيرىندە ۋاقىتشا تيتۋل ءۇشىن كەز كەلگەن ۇمىتكەردى قابىلداۋعا دايىنمىن», دەپ جازدى شاۆكات راحمونوۆ.
ال قازىر وتانداسىمىز اقش-تاعى جاتتىعۋىن جالعاستىرىپ جاتىر.