وليمپيادا كوميتەتتەرىنىڭ جيىنى

سەسسياعا الەمنىڭ تۇكپىر-تۇكپىرىندەگى وليم­پيادالىق قوزعالىستىڭ 288 ۇيىمى, ونىڭ ىشىندە 200 ۇوك, حالىقارالىق وليمپيادا كوميتەتى دەلەگاتتارى, حالىقارالىق فەدەراتسيالار مەن وليمپيا ويىندارىن ۇيىمداستىرۋ كوميتەتتەرىنىڭ وكىلدەرى قاتىسىپ جاتىر. ەلىمىزدىڭ اتىنان پورتۋگالياعا ۇلتتىق وليمپيادا كوميتەتىنىڭ پرەزيدەنتى گەننادي گو­لوۆكين مەن ۇوك باس حاتشىسى ءالىمجان اقاەۆ باردى.

ۇوكق باس اسسامبلەياسىنىڭ ماقساتى تىكەلەي ديا­لوگ ارقىلى سەسسياعا قاتىسۋشىلار اراسىنداعى ىنتىماق­تاستىقتى نىعايتۋ بولىپ سانالادى. اسسامبلەيا جۇمىسى بارىسىندا قاۋىپسىز سپورتتى دامىتۋعا ارنالعان ءتيىمدى ستراتەگيالار, ۇوك-ءتىڭ بولاشاعى, وليمپيادا باعدار­لاماسىنداعى ەۆوليۋتسيا سىندى تاقىرىپتارعا كوڭىل ءبولىنىپ, سپورت سالاسىندا جاساندى ينتەللەكت قۇرالدارىن پايدالانۋدىڭ بولاشاقتاعى رولىنە باعا بەرىلدى.

ۇوكق باس اسسامبلەياسى اياسىندا گەننادي گولوۆكين بىرىككەن كۇرەس الەمى (UWW) باسشىسى نەناد لالوۆيچپەن, حالىقارالىق گيمناستيكا فەدەراتسياسىنىڭ پرەزيدەنتى (FIG) موريناري ۆاتانابەمەن, حالىقارالىق اۋىر اتلەتيكا فەدەراتسياسىن (IWF) باسقاراتىن موحاممەد دجالۋدپەن, تۇركيا, فرانتسيا ۇلتتىق وليمپيادا كومي­تەتتەرى پرەزيدەنتتەرىمەن, وزگە ۇوك وكىلدەرىمەن كەزدەستى.