نازارباەۆ ۋنيۆەرسيتەتى جاساندى ينتەللەكتتىڭ جوعارى ءبىلىم بەرۋ سالاسىنداعى ءرولىن زەرتتەۋگە ارنالعان جاھاندىق كونسورتسيۋمنىڭ قۇرامىنا ەندى. زەرتتەۋ افريكا, ازيا, سولتۇستىك جانە وڭتۇستىك امەريكادا جۇرگىزىلەدى, دەپ حابارلايدى Egemen.kz.
WISE ء(بىلىم بەرۋدەگى يننوۆاتسيالار جونىندەگى دۇنيەجۇزىلىك سامميت) جانە IIE (حالىقارالىق ءبىلىم بەرۋ ينستيتۋتى) باسقاراتىن بۇل كونسورتسيۋمعا الەمنىڭ جەتى ۋنيۆەرسيتەتى قاتىسۋدا. الداعى 12 ايدا ولار جاساندى ينتەللەكتى ءبىلىم بەرۋ جۇيەلەرىنە بىرىكتىرۋ جولدارىن زەرتتەمەك. ماقساتى – ستۋدەنتتەرگە جاساندى ينتەللەكت ءرولى ايقىن بولاتىن الەمدىك ەكونوميكانىڭ تالاپتارىنا دايىندالۋعا كومەكتەسۋ.
نازارباەۆ ۋنيۆەرسيتەتى كاسىبي وقىتۋ جانە دامىتۋ جونىندەگى ساراپشىسى ايدا نۇرانوۆا:
«نازارباەۆ ۋنيۆەرسيتەتى وسى باستاما اياسىندا foundation, باكالاۆريات پەن ماگيستراتۋرا ءارتۇرلى دەڭگەيلەرىندەگى وقىتۋ ادىستەرىنە باعىتتالعان كوپسالالى زەرتتەۋلەر جۇرگىزەدى. بۇل ماڭىزدى زەرتتەۋ جوعارى وقۋ ورىندارىندا ءبىلىم بەرۋ ۇدەرىسىندە جاساندى ينتەللەكتى قولدانۋدىڭ ۇزدىك تاجىريبەلەرىن ايقىندايدى. جوباعا شاقىرتۋ NU ايماقتاعى بەدەلىن جانە ءبىلىم بەرۋ سالاسىنداعى يننوۆاتسياعا دەگەن ۇمتىلىسىن راستايدى», دەپ اتاپ ءوتتى.
كونسورتسيۋم قۇرامىنا نازارباەۆ ۋنيۆەرسيتەتىنەن بولەك, University of Pennsylvania (اقش), Universidad Camilo José Cela (يسپانيا), Ashesi University (گانا), Birla Institute of Technology & Science ء(ۇندىستان), Universidad de los Andes (كولۋمبيا), Hamad Bin Khalifa University (كاتار) كىرەدى. ولار ءبىلىم مەن تاجىريبە الماسۋعا ارنالعان بىرلەسكەن سەمينارلارعا قاتىسادى.
WISE كونسورتسيۋمى رەسمي تۇردە نيۋ-يوركتە, بۇۇ باس اسسامبلەياسى وتىرىسىمەن قاتار باستاۋ الدى.
WISE باس ديرەكتورى ستاۆروس ياننۋكا:
«بۇل كونسورتسيۋم ءارتۇرلى وڭىرلەر مەن كوزقاراستاردى ەسكەرىپ, ايماقتىق ەرەكشەلىكتەردى زەرتتەۋگە مۇمكىندىك بەرەدى. ءبىزدىڭ ماقساتىمىز – ساياساتتى قالىپتاستىرىپ, قۋاتتى تەحنولوگيالاردىڭ بارلىعىنا قولجەتىمدى ءبىلىم بەرۋگە قىزمەت ەتۋىن قامتاماسىز ەتۋ», دەدى.
كونسورتسيۋم مۇشەلەرى كەزدەسۋ بارىسىندا سەمينارلار مەن پانەلدىك تالقىلاۋلارعا قاتىسىپ, جوعارى ءبىلىم بەرۋ سالاسىندا جاساندى ينتەللەكتى ءتيىمدى پايدالانۋدىڭ جولدارىن تالقىلادى. نازارباەۆ ۋنيۆەرسيتەتى اتىنان ايدا نۇرانوۆا ۋنيۆەرسيتەتتىڭ زەرتتەۋلەرى مەن جاساندى ينتەللەكت دامۋىنىڭ ءبىلىم بەرۋ بولاشاعىنا اسەرىن ءتۇسىندىردى.
زەرتتەۋ ناتيجەلەرى كەلەسى قاراشادا كاتاردا وتەتىن WISE سامميتىندە ۇسىنىلادى. نازارباەۆ ۋنيۆەرسيتەتى بۇل جوباعا قاتىسۋ ارقىلى ءبىلىم بەرۋ سالاسىنداعى يننوۆاتسيالار مەن جاساندى ينتەللەكت بولاشاعىن قالىپتاستىرۋعا ۇلەس قوسىپ, ءوزىنىڭ جاھاندىق بايلانىستارىن نىعايتا تۇسەدى.