تابيعاتى كوركەم تۇيىق اۋىلىن مىڭنان استام حالىق مەكەندەيدى. قىس ايلارىندا قار ەرەكشە قالىڭ تۇسەتىن تاۋلى ءوڭىردىڭ نەگىزگى تىنىس-تىرشىلىگى – اۋىل شارۋاشىلىعى. جەرگىلىكتى حالىق كولەمى 6 مىڭ گەكتارعا جۋىقتايتىن جەردە مال باعىپ, ءشوپ شاۋىپ, كارتوپ ەگىپ, كەيىنگى جىلدارى قوزىقۇيرىقتى دا تابىس كوزىنە اينالدىرعان.
ەڭبەكقور ەلى بار ەلدى مەكەننىڭ ىرىس-قۇتى ورتايمايدى. تۇرعىندارعا قىزمەت كورسەتەتىن الەۋمەتتىك نىساندار دا قالىپتى جۇمىس ىستەيدى. كوشەلەر جارىقتانىپ, جولدارعا اسفالت توسەلىپ, اۋىلدىڭ اجارى كىرگەن. شالعايدا جاتسا دا, ينتەرنەت جەلىسى ىسكە قوسىلىپ, ءار ۇيگە اۋىزسۋ تارتىلعان. كەزىندە تەكەلى قورعاسىن-مىرىش كومبيناتىنىڭ تۇيىق رۋدنيگى جۇمىس ىستەپ, تەكەلىگە قورعاسىن تاسىعان. 2020 جىلدان بەرى رۋدنيكتى قايتا قالپىنا كەلتىرۋ جۇمىستارى قولعا الىنعان.
تاۋ قويناۋىندا جاتقان تۇيىقتىڭ تاماشا تابيعاتىنا قۇمارتاتىندار كوپ. جاز شىعا دەمالۋشىلار لەگى اعىلادى. سوندىقتان بولاشاقتا ءتۋريزمدى دامىتۋ ماقساتىندا ينۆەستور تارتۋ دا – كەزەك كۇتتىرمەيتىن ماسەلە.
بيىل تۇيىق اۋىلىنىڭ اكىمى جەڭىسبەك الياسقاروۆتىڭ ساياباق اشۋ تۋرالى ۇسىنىسىنا اۋىل تۇرعىندارى قولداۋ ءبىلدىرىپ, قۇرىلىس جۇمىسى باستالعان. جاڭا نىسان ۋادەلى مەرزىمدە اياقتالىپ, وعان «بەسقاراعاي ساياباعى» دەگەن اتاۋ بەرىلدى. ساياباق اۋىل جاستارىنىڭ سەرۋەن قۇرۋىنا, قوناقتار مەن قاريالاردىڭ شۇيىركەلەسىپ, نەمەرەلەرىمەن قىدىرىستاۋىنا مۇمكىندىك تۋعىزدى. جۋىردا قازىنالى قارتتار مەن اق جاۋلىقتى انالار اق باتا بەرىپ, ساياباقتىڭ اشىلۋ سالتاناتىن جاسادى. وعان كەگەن اۋداندىق ءماسليحاتىنىڭ توراعاسى الماسبەك نوكەربان ۇلى قاتىسىپ, اۋىل جۇرتىن قۋانىشپەن قۇتتىقتادى.
الماتى وبلىسى