«Amanat» پارتياسى الماتى وبلىستىق فيليالى جانىنداعى «جاستار رۋحى» جاستار قاناتى ۇيىمداستىرۋىمەن «مەنىڭ ەلىم – مەنىڭ تۋىم» اكتسياسى باستالدى. اكتسيا اياسىندا 500-گە جۋىق مەملەكەتتىك تۋ بالكوندار مەن قوعامدىق ورىندارعا ىلىنەدى. قازىر 100-دەن اسا ازامات كوك بايراقتى ءوز بالكونىنا ءىلىپ, باستامانى قولداپ ۇلگەردى.
ۇيىمداستىرۋشىلاردىڭ ايتۋىنشا, اكتسياعا قاتىسۋشىلار سانى كۇن سايىن ارتىپ كەلەدى. اتالعان اكتسيانىڭ باستى ماقساتى – مەملەكەتتىك رامىزدەرگە دەگەن قۇرمەتتى كۇشەيتىپ, تۇرعىنداردىڭ پاتريوتتىق رۋحىن كوتەرۋ. سونىمەن قاتار اكتسيا ارقىلى قوعامدا بىرلىك پەن ىنتىماقتى نىعايتۋ كوزدەلگەن.
«الداعى ۋاقىتتا وبلىس اۋماعىندا 500-گە جۋىق مەملەكەتتىك تۋدى كوپقاباتتى تۇرعىن ۇيلەردىڭ بالكوندارى مەن قوعامدىق ورىندارعا ءىلۋدى جوسپارلاپ وتىرمىز. بۇگىندە قوناەۆ قالاسىنىڭ وزىندە 30-عا جۋىق تۋ ءىلىندى. ونىڭ ءوزى قالا تۇرعىندارى تاراپىنان ۇلكەن قولداۋعا يە بولدى. بۇل تەك جاي عانا اكتسيا ەمەس, بۇل – ەلىمىزگە دەگەن سۇيىسپەنشىلىگىمىز بەن پاتريوتتىق رۋحىمىزدىڭ جارقىن كورىنىسى. ءاربىر ىلىنگەن تۋ ارقىلى ءبىز حالىقتىڭ بىرلىگىن نىعايتىپ, ورتاق قۇندىلىقتاردى دارىپتەۋدى ماقسات ەتەمىز. بارشا ازاماتتاردى وسى اكتسيانى قولداۋعا شاقىرامىن», دەدى وبلىستىق «جاستار رۋحى» جاستار قاناتىنىڭ مۇشەسى ميرات اشىمباەۆ.
ايتا كەتۋ كەرەك, اكتسيا 25 قازانعا دەيىن جالعاسادى. وسى ۋاقىت ارالىعىندا كەز كەلگەن ازامات مەملەكەتتىك تۋدى بالكونىنا نەمەسە ءوز ءۇيىنىڭ الدىنا ءىلىپ, اكتسياعا قاتىسۋعا مۇمكىندىگى بار.
الماتى وبلىسى