ورمان تامىردان قۋات الادى

پرەزيدەنتتىڭ جول­دا­ۋىن­داعى مەم­لە­كەت­تىك ورمان قورى اۋماعىندا 2 ملرد اعاش وتىرعىزا وتىرىپ, ەلدەگى ورمان الاڭىن 500 مىڭ گەكتارعا ۇلعايتۋ, ەلدى مەكەندەر مەن قالالاردا 15 ميلليون­نان استام اعاش وتىرعىزۋ تۋرالى تاپسىرماسىن ورىنداۋ ماق­­ساتىندا بارلىق وبلىس پەن ورمان شارۋاشىلىعى جانە جانۋارلار دۇنيەسى كوميتەتىنىڭ ۆەدومستۆولىق باعىنىستاعى مەكەمەلەرى 2021-2025 جىلدارعا ارنالعان ورماندى مولىقتىرۋ, ورمان ءوسىرۋ الاڭدارىن ۇلعايتۋ جونىندەگى كەشەندى جوسپارلار بەكىتتى.

«قازىردە «شەلەك ورمان شا­رۋاشىلىعى» كوممۋنالدىق مەملەكەتتىك مەكەمەسىندە مەم­لەكەت باسشىسىنىڭ تاپسىرماسىن جۇزەگە اسىرۋدا ناقتى جۇمىستار اتقارىلىپ جاتىر. كەشەندى جوسپارعا سايكەس 2021 جىلى مەكەمەنىڭ ورمان قورى جە­رىندە اۋماعى 11,5 گا, 2022 جىلى 33,68 گا, وتكەن جىلى 46,6 گا, بيىل اۋماعى 29,2 گا جەر­لەرگە قاراعاش, ورىك, جيدە اعاش­تارىنىڭ ورمان ەكپەلەرى وتىرعىزىلدى. بۇ­گىندەرى اۋماعى 36,1 گا جەرگە ورىك اعاشتارىنىڭ ورمان ەكپەلەرىن كۇزگى وتىرعىزۋ جۇمىستارى اياق­تالۋعا جاقىن. پرەزيدەنت تاپسىرماسىن ورىن­داۋ ماقساتىندا 3 جىلدا 348 226 دانا ءارتۇرلى اعاش ەك­پە­لەرى وتىرعىزىلدى», دەيدى «شە­لەك ورمان شارۋاشىلىعى» كوممۋنالدىق مەملەكەتتىك مە­كەمەسى ديرەكتورىنىڭ ورىنباسارى مۇحيت ساۋرانباي ۇلى.

ورماندى قورعاۋ ءىس-شا­رالا­رىنىڭ ورىندالۋى بارى­سىندا مەملەكەتتىك ورمان قو­رىندا بيىل پوتولوگيالىق تەكسەرۋ جۇ­مىستارى جۇرگىزىلىپ, 2025 جىلعا جوسپارلانعان ورمان ەكپەلەرىن وتىرعىزاتىن جەرلەرگە 13 دانا شۇڭقىرلار قازىلعان. مەكەمەنىڭ ورمان قو­رى اۋماعىنداعى 122,5 گا جەردە حيميالىق تاسىلمەن ورمان زيانكەستەرىن جويۋ جۇمىستارى جۇرگىزىلىپ, بيۋدجەتتەن بولىنگەن 4 179,92 مىڭ تەڭگە يگەرىلگەن. 29,2 گا جەرگە ورمان ەكپەلەرى وتىرعىزىلعان. ونىڭ ىشىندە شەلەك ورمانشىلىعىندا 11,2 گا جەرگە 49  280 دانا ۇساقجا­پى­راقتى قاراعاش, جيدەلى ور­مانشىلىعىندا 10,8 گا جەرگە 36 000 دانا جيدە ەكپەلەرى, ىلە ورمانشىلىعىندا 7,2 گا جەرگە 24,0 دانا ورىك ەكپەلەرى, بارلىعى 109,280 دانا اعاش تۇرلەرىنىڭ ەكپەلەرى وتىرعىزىلعان. ور­ماندى كۇتىپ-باپتاۋ, سۋارۋ, ارام شوپ­تەردەن تازارتۋ جۇمىستارى 538,64 گا جەردە جۇرگىزىلىپ, 127,131 مىڭ دانا ورمان ەكپەلەرى قازىلىپ, بۇل ماقساتقا بولىنگەن 259,060 مىڭ تەڭگە تولىعىمەن يگەرىلگەن.

«بيىلعى جوسپارعا سايكەس مەكەمەدە 152 كگ ورمان تۇقىمدارى جينالىپ, ساراپ­تامادان وتكىزىلدى. ودان وزگە 150 كگ ۇساقجاپىراقتى قاراعاش تۇ­قىمىنا ءىىى سىنىپ, 1 كگ قىرىم قاراعايى تۇقىمىنا ءىىى سىنىپ, 1 كگ شىعىس بيوتاسىنا ءىى سىنىپ كورسەتكىشتەرى بەرىلدى. تۇقىم جيناۋ جۇمىستارىنا بولىنگەن 58,817 مىڭ تەڭگە تولىق يگەرىلدى. ۋاقىتشا تۇقىمباققا 2,0 گا جەر دايىندالدى, 0,50 گا جەرگە ورمان تۇقىمدارى سەبىلدى. سونىمەن قاتار ۋاقىتشا تۇقىمباقتاعى مەكتەپ بولىمىندە 0,55 گەكتار جەرگە 3 جىلدىق قىرىم قاراعايىنىڭ 2 500 داناسى, 0,30 گا جەرگە شى­عىس بيوتاسىنىڭ 3 مىڭ دانا ەك­پەلەرى وتىرعىزىلدى. جيدەلى ور­­مانشىلىعىندا 0,1 گا جەرگە 4 مىڭ دانا تەرەك قالەمشەلەرى دايىندالىپ وتىرعىزىلدى», دەيدى مۇحيت ساۋرانباي ۇلى.

2024 جىلى ورمان ورتتەرىنىڭ الدىن الۋ جونىندە دە تىڭعىلىقتى جۇمىستار اتقارىلدى. شەلەك, ىلە ورمانشىلىقتارىندا 5 شا­قىرىم جەرگە مينەرالدىق جولاقتار سالىنىپ, 190 شاقىرىم مينەرالدىق جولاقتارعا كۇتىپ-باپتاۋ جۇ­مىستارى جۇرگىزىلدى. جاڭا 170 دانا انشلاگ, 30 دانا پاننولار جاسالىپ, ورمان­شىلىقتارعا ورنالاستىرىلدى. ورمان رەسۋرس­تارىن پاي­دالانۋشىلارعا, شەكارالاس وتىر­عان شارۋاشىلىقتارعا 944 دانا ەسكەرتۋ مەن 944 دانا ۇنپاراقتار تاراتىلدى. اۋىل, اۋدان تۇر­عىندارىنا, ورمان رەسۋرستارىن پايدالانۋشىلارعا, مەكتەپتەردە «ورماندا ءورت قاۋىپ­سىزدىگىن ساقتاۋ, ورمان زاڭ­دى­لىقتارىن بولدىرماۋ» ماقساتىن­دا 11 ءدارىس وقىلىپ, اڭگىمەلەر جۇر­گىزىلدى.

ءورت قاۋپى جوعارى اۋماق­تارعا جاتاتىن جيدەلى, ىلە ور­مان­شىلىقتارىنا 2 دانا جىلجىمالى بەكەتتەر ورنالاس­تىرىلىپ, ماماندار مەن ورمان كۇتۋشىلەرىنىڭ كۇشىمەن تاۋلىك بويى كەزەكشىلىك جۇرگىزىلىپ كەلەدى. جيدەلى, شەلەك ورمان ءورت ءسوندىرۋ ستانسالارى 3 دانا ارنايى ءورت ءسوندىرۋ اۆتوكولىگىمەن, 2 دانا تراكتور سۋ بۇركىگىشىمەن, ورتكە قارسى بارلىق قۇرال جاب­دىقتارمەن تولىق قامتاماسىز ەتىلگەن. وسىنداي ماقساتتى جۇمىستاردىڭ ناتيجەسىندە ورمان قورى جەرلەرىندە ورمانداعى ءورت قاۋىپسىزدىگى ەرەجەسىن بۇزۋ فاكتىلەرى تىركەلمەگەن.

2023 جىلعى 1 شىلدەدەن باس­تاپ ورمان قورعاۋ قىزمەتكەر­لەرىنىڭ جالاقىسى 100 پايىزعا, وسى جىلدىڭ 1 شىلدەسىنەن باستاپ ورمان ءورت ءسوندىرۋ ستانساسى قىزمەتكەرلەرىنىڭ جالاقىسى 100 پايىزعا كوتەرىلۋى سالا قىز­مەتكەرلەرىنىڭ ءوز ىسىنە دەگەن ىنتا-جىگەرىن ارتتىرا تۇسكەن. 2021-2023 جىلدار ارالىعىندا ورماندا وتىرعىزۋ, سەبۋ جۇمىستارى جوسپارعا سايكەس تولىعىمەن ورىن­دالعان. بيىلعى جىلى 7 197,1 گا جەرگە ورمان ءوسىرۋ جۇمىستارىن جۇرگىزۋ جوسپارلانعان, بۇل كور­سەت­­كىش بىلتىرعى جىلمەن سا­لىستىرعاندا 36 پايىزعا ۇلعايعان.

مەملەكەت باسشىسىنىڭ 2 ملرد اعاش وتىرعىزۋ, 2023 جىلعى اباي وبلىسىندا بولعان ورمان ورتىنەن كەيىن ورمان قورعاۋ مەكەمەلەرىنىڭ ماتەريالدىق-تەحنيكالىق بازاسىن تيەسىلى نورمالارىنا دەيىن جەتكىزۋ جو­نىندەگى تاپسىرمالارىن ورىنداۋ بارىسىندا بىرقاتار جۇمىس اتقارىلدى. بۇگىندە ورمان شا­رۋاشىلىعى مەكەمەلەرىنىڭ ماتەريالدىق-تەحنيكالىق بازاسىمەن قامتاماسىز ەتىلۋى نور­ما­تيۆتىك كورسەتكىشتەردىڭ 73 پايىزدان استامىن قۇراپ وتىر. بيىل وبلىس اكىم­دىگىنىڭ قولداۋىمەن شاعىن ءورت ءسوندىرۋ كەشەنىن, تراكتورلار, پاترۋلدىك اۆتوكولىكتەر, باسقا دا تەحنيكالار ساتىپ الۋ جۇمىستارى جۇرگىزىلدى, بۇل شارالار الداعى ۋاقىتتا دا جالعاسىن تابادى.

الماتى وبلىسى