قايتارىلعان اكتيۆ الەۋمەتتىك جوبالارعا جۇمسالادى

وسى زاڭ اياسىندا باس پروكۋراتۋ­را­نىڭ جانىنان اكتيۆتەردى قايتارۋ­مەن ­اينالىساتىن جەكە ۆەدومستۆونىڭ ­قىز­مەتى جولعا قويىلدى. سونداي-اق تۇس­كەن قاراجاتتى جيناقتاۋعا ارناۋ­لى مەملەكەتتىك قور مەن «قايتارىل­عان اكتيۆتەردى باسقارۋ كومپانياسى» ­جشس قۇرىلدى. بۇل كومپانيانىڭ نەگىز­گى مىندەتى – مەملەكەتكە قايتارىل­عان اكتيۆ­تەردى ءتيىمدى باسقارىپ, ساقتاۋ ءارى ساتۋ­دى قامتاماسىز ەتۋ. وسىلايشا, تۇس­كەن قاراجات ەلىمىزدەگى الەۋمەتتىك جوبا­لاردى قولداۋ ءۇشىن ارناۋلى مەملە­كەتتىك قورعا جىبەرىلەدى. كومپانيانىڭ مەملەكەتتىك ۇلەسىنە قارجى مينيستر­لىگىنىڭ مەملەكەتتىك م ۇلىك جانە جەكە­شەلەندىرۋ كوميتەتى يەلىك ەتەدى. وسى ارقىلى ۇيىم قىزمەتىنىڭ قوعامعا اشىق­تىعى رەتتەلگەن.

قايتارىلعان اكتيۆتەردى باسقارۋ كوم­پانياسىنىڭ ءباسپاسوز قىزمەتى ۇسىنعان اقپاراتقا سۇيەنسەك, 14 قازانداعى جاع­داي بويىنشا كومپانيانىڭ بالانسىندا زەرگەرلىك بۇيىمدار, جىلجىمايتىن م ۇلىك, جەر ۋچاسكەلەرى جانە وندىرىستىك بازالاردى قوسا العاندا 254 اكتيۆ بار. ۇيىم اكتيۆتەردىڭ سيپاتتامالارىنا باي­لانىستى باسقارۋدىڭ ءتۇرلى ادىس­تەرىن قولدانىپ كەلەدى. مىسالى, ەلەكتروندى اۋكتسيوندار وتكىزۋ, تالاپ ەتۋ قۇقىقتارىن بەرۋ, قور بيرجاسىندا اكتيۆتەردى ساتۋ جانە باسقا دا زاڭدى تاسىلدەر قاراستىرىلعان. اكتيۆتەردى ساتۋ E-Qazyna پورتالى ارقىلى جۇزەگە اسىرىلادى.

بۇگىندە كومپانيا 6,3 ملرد تەڭگە­­­دەن اساتىن اكتيۆتەردى ساتقان. ونىڭ ىشىن­دەگى 4,4 ملرد – شەتەلدىك اكتيۆتەردەن تۇس­كەن قاراجات. بارلىق قاراجات ار­ناۋلى مەم­لەكەتتىك قورعا جىبەرىلەدى. ال ول قور­­دان ۇلتتىق ەكونوميكا مي­نيستر­لىگى­نىڭ ەرەجەلەرىنە سايكەس ىرىك­تەل­گەن ماڭىزدى الەۋمەتتىك جوبالار قارجى­لاندىرىلادى.

9-11 قازان كۇندەرى وتكەن ساۋدا-سات­تىق اۋكتسيونى تىركەلۋشىلەر بولماۋىنا بايلانىستى وتپەدى دەپ تانىلدى. وسى ورايدا اۋكتسيونعا قويىلعان اكتيۆتەرگە توقتالىپ وتكەنىمىز ءجون.

9 قازاندا اۋكتسيوندا ەكى جشس-گە قاتىسۋ ۇلەسى ۇسىنىلدى. اتاپ ايتقاندا, جەكە قازاندىقتارى بار, جىلۋ ەنەرگيا­سىن ءوندىرۋ قىزمەتى جولعا قويىلعان «تۇلپار» جشس, سونداي-اق سۋدى جيناۋ, وڭدەۋ ءارى تاراتۋ قىزمەت تۇرىمەن اينالىساتىن «Zharkent SU» جشس. بۇل اكتيۆتەر – كوممۋنالدى سالا مەن ەنەرگەتيكالىق سەكتوردا جۇمىس ىستەپ تۇرعان كاسىپورىندارعا ينۆەستيتسيا سالعىسى كەلەتىن ينۆەستورلار ءۇشىن تارتىمدى باعىت.

ال 11 قازاندا ساۋداعا جالپى قۇنى 414 271 364 تەڭگە بولاتىن مونەتالار, سا­عاتتار مەن زەرگەرلىك بۇيىمداردى قوسا العاندا, كوللەكتسيالىق زاتتار قويىلدى. جالپى قۇنى 1 564 810 تەڭگە بو­لاتىن كوللەكتسيالىق مونەتالار (5 لوت) بولدى. ءار مونەتانىڭ قۇنى – 150-دەن ­690 مىڭ تەڭگەنىڭ ارالىعىندا. بۇعان قوسا قۇنى 314 742 586 تەڭگەنى قامتيتىن اي­گىلى برەند ساعاتتارى (8 لوت) ساتىلىمعا شىق­تى. ونىڭ ىشىندە قولدان جاسالعان Ulysse Nardin سlassic 789-80 جانە 18ك التىن ەلەمەنتتەرى بار شەكتەۋلى ساعاتتار سەرياسى 214,4 ملن تەڭگەگە باعالانىپ وتىر. سونداي-اق Franck Muller Genève اسىل تاستارمەن بەزەندىرىلگەن قىزعىلت التىن كورپۋس قۇنى – 29,2 ملن تەڭگە, Ulysse Nardin Archive Freak Cruiser اق التىننان جاسالعان كورپۋس – 29 ملن تەڭگە, Breguet 882u №3271 كورپۋسى زاقىمدانعان التىننان جاسالعان ساعاتى – 10 379 740 تەڭگە.

جالپى قۇنى 97 963 968 تەڭگە بولاتىن زەرگەرلىك بۇيىمدار (5 لوت) بار. ەڭ قىمبات لوت – سىرعا, القا, شىنجىر جانە ساقينادان تۇراتىن گاۋھار جيىنتىعى ­85 ملن تەڭگەگە باعالانعان.

وسى جولعى اۋكتسيوندا قىزىعۋشى­لىق تا­نىتقان ساتىپ الۋشىلار بولمادى. دە­گەنمەن كومپانيا ساتىپ الۋشىلاردى ىزدەۋ جۇمىستارىن جالعاستىرىپ, بۇل اكتيۆتەرگە ساتىپ الۋشى تابىلعانعا دەيىن اۋكتسيونداردى وتكىزە بەرەدى.

سونداي-اق بيىل 7 قازاندا ساۋداعا الماتى قالاسىنداعى جەر ۋچاسكەسى بار اياق­تالماعان قۇرىلىس قويىلدى. باس­تاپقى باعاسى – 6 278 384 321 تەڭگە (ققس ەسەپتەمەگەندە). بۇل اۋكتسيوندى وتكىزۋ 24 قازانعا بەلگىلەنىپ وتىر.

اتالعان اۋكتسيوندار ناتيجەسىندە تۇ­سەتىن قاراجات تەك مەملەكەتتىك بيۋد­جەت­­كە عانا باعىتتالمايدى. وتەلگەن قار­­جى دەنساۋلىق ساقتاۋ, ءبىلىم بەرۋ جانە كو­مەككە مۇقتاج جانداردى قول­داۋ ماق­ساتىندا الەۋمەتتىك ماڭىزى بار جوبا­لارعا جۇمسالادى. بۇل اكتيۆ­تەردى ساتىپ الۋ ارقىلى اۋكتسيون قاتىسۋ­شى­لارى ما­ڭىزدى باستامالاردى قولداپ, قوعامنىڭ دامۋىنا ءوز ۇلەسىن قوسا الادى.

ساۋداعا قاتىسۋ ءۇشىن E-Qazyna پورتالىندا تىركەۋدەن ءوتۋ قاجەت. جەكە تۇلعا­لار جسن مەن دەربەس دەرەكتەردى, ال زاڭدى تۇلعالار بسن مەن ءبىرىنشى باس­شىعا قاتىستى مالىمەتتى كورسەتۋگە ءتيىس. ءوتىنىم ەلەكتروندى تسيفرلى قولتاڭبانى (ەتسق) پايدالانۋ ارقىلى جىبەرىلەدى جانە كەپىلدىك جارنانىڭ تولەنۋىمەن راستالادى.

سوندىقتان اتالعان اۋكتسيوندى قۇن­دى اكتيۆتەردى ساتىپ الۋ عانا ەمەس, ەلى­مىزدىڭ كەلەشەگىنە ۇلەس قوسۋ مۇمكىندىگى دەپ بىلۋگە دە بولادى. باسقارۋشى كوم­پانيا قارجىلىق كورسەتكىشتەردى با­رىنشا ارتتىرۋدى عانا ەمەس, سونىمەن قاتار بارلىق راسىمدە اشىقتىق پەن زاڭ­دىلىقتى قامتاماسىز ەتۋدى كوز­دەپ وتىر. جۇمىستىڭ تيىمدىلىگى بىر­نەشە نەگىزگى كورسەتكىش بويىنشا باعا­لانادى. ونىڭ ىشىنە ارناۋلى مەم­لە­كەتتىك قورعا اۋدارىلعان قاراجات كو­لەمى, اكتيۆتەر­دى ىسكە اسىرۋدىڭ تابىسى, سونداي-اق باسقا­رۋ ۇدەرىستەرى­نىڭ ءار­بىر كەزەڭىن­دەگى اشىق­تىق پەن قاۋىپ­­سىزدىك دەڭ­گەيى كىرەدى. تاياۋ جىلدارى كوم­پانيا مەم­لەكەتتىك اكتيۆتەردى باس­­قارۋ سالا­سىن­دا ءوز قىزمەتىن ودان ءارى جە­تىل­دىرە ءتۇسۋدى ماقسات ەتىپ وتىر. بۇل باعىت­ت­ا­عى ماڭىزدى قادامدار­دىڭ ءبىرى – قۇرى­­لىمدى جاڭعىرتۋ, www.kuva.kz ۆەب-ساي­تىن جاڭارتىپ, دامىتۋ. بۇل ازا­­ماتتار مەن بيزنەستىڭ سە­نى­مىن ارت­­تىرىپ, اۋكتسيوندارعا قاتىسۋ ۇدە­­رىسىن جەڭىلدەتۋگە جول اشادى.