قىزىلوردا وبلىسىنىڭ پوليتسيا دەپارتامەنتى مەن وبلىستىق پروكۋراتۋرا بىرلەسىپ جۇرگىزگەن جەدەل شارا بارىسىندا جيھاز ساتاتىن دۇكەننىڭ جالعان جارناماسى ارقىلى بىرنەشە رەت الاياقتىق قىلمىس جاساعان 30 جاستاعى باسقا وبلىستىڭ تۇرعىنى ۇستالدى, دەپ جازادى Egemen.kz
كۇدىكتى جەلىدە اشقان پاراقشاسىنا كورگەن جاندى قىزىقتىراتىن جيھاز فوتوسۋرەتتەرىن ورنالاستىرىپ, ولاردىڭ ارزانعا ساتىلاتىنى تۋرالى جارناما جاساعان. وسى ارقىلى قىزىلوردا قالاسىنىڭ 4 تۇرعىنىن جانە شىمكەنت قالاسىنىڭ 1 تۇرعىنىن الداپ, ولاردان 1 ملن تەڭگە العان. قازىر ول ۇيقاماققا الىندى. تەرگەۋ بارىسىندا جابىرلەنۋشىلەرگە كەلگەن ماتەريالدىق زالال تولىعىمەن وتەلىپ, قىلمىستىق ءىس نەگىزىنەن قاراۋ ءۇشىن سوتقا جولداندى. «كيبەرپول» قىزمەتى ازاماتتارعا الەۋمەتتىك جەلىدەگى ءتۇرلى حابارلامالارعا سەنە بەرمەۋگە جانە بوگدە ادامداردىڭ ايتۋىمەن جەكە بانكتىك مالىمەتتەردى جاريا ەتپەۋگە شاقىرادى.