9-14 قازان ارالىعىندا جارتاسقا ورمەلەۋدەن قىتايدىڭ تايان قالاسىندا ازيا چەمپيوناتىنىڭ جالاۋى جەلبىرەيدى. بۇل جارىستا ءامىر مايمۇراتوۆ, بەكنۇر التىنبەكوۆ, جاندوس قاليباي, دامير توقتاروۆ, ريشات حايبۋللين, جاندوس قاليباي, تامارا ۇلجاباەۆا, اسەل مارلەنوۆا, ازات مايكوتوۆ, مارگاريتا اعامباەۆا, داريا كۋزمەنكو, ەليزاۆەتا ليتۋس سىندى وتاندىق سپورتشىلار ونەر كورسەتەدى.
بەيجىڭدە تەننيستەن جاسوسپىرىمدەردىڭ ITF J300 China Open ءتۋرنيرى ءوز مارەسىنە جەتتى. ءوز قاتارلاستارى اراسىندا الەمنىڭ 15-راكەتكاسى اتانىپ وتىرعان ءامىر ومارحانوۆ بۇل باسەكەدە باس جۇلدەنى ولجالادى. فينالدا ول بريتانيالىق وليۆەر بوندينگتەن باسىم ءتۇستى – 6:0, 6:4. ءسويتىپ, قانداسىمىز جەكەلەگەن سايىستارداعى التىنشى تيتۋلىنا قول جەتكىزدى. بۇعان دەيىن ءامىر تايلاند (J300), وڭتۇستىك كورەيا (J300), مىسىر (J100), گرۋزيا (J60), قاراعاندىدا (J60) وتكەن تۋرنيرلەردە توپ جارعان.
ەلىمىزدىڭ تانىمال كاسىپقوي بوكسشىسى انگەلينا لۋكاس (10-1, 5 كو) بانگكوكتا ۇيىمداستىرىلعان تۋرنيردە ارگەنتينالىق دەبوروي اناي لوپەسپەن (21-2-1, 1 كو) جۇدىرىقتاستى. بۇل جەكپە-جەكتە وتانداسىمىز تورەشىلەردىڭ شەشىمىمەن جەڭىسكە جەتىپ, IBO نۇسقاسىندا ەكىنشى اسا جەڭىل سالماقتىڭ چەمپيوندىق بەلبەۋىن يەلەندى.
بۇل كۇندەرى استانادا ۇستەل تەننيسىنەن ازيا چەمپيوناتى ءوتىپ جاتىر. 26 مەملەكەتتەن كەلگەن 210 ۇمىتكەر باق سىناپ جاتقان ءدۇبىرلى دودادا قازاق ەلى نامىسىن كيريلل گەراسيمەنكو, الان قۇرمانعاليەۆ, ەسكەندىر حاركي, ايدوس كەنجەعۇلوۆ, سانجار جۇبانوۆ, سارۆينوز مىرقادىروۆا, زاۋرەش اقاشەۆا, اناستاسيا لاۆروۆا, انەل باقىت, انگەلينا رومانوۆسكايا قورعايدى. جارىس 13 قازاندا اياقتالادى.
كورۋ قابىلەتى ناشار شاحماتشىلار اراسىنداعى الەم چەمپيوناتىن بيىلعى جىلى ءۇندىستاننىڭ بانگالور شاھارى قابىلدادى. جاستار اراسىنداعى جارىستا نۇرعيسا قۋانىش ۇلى 9 كەزدەسۋدەن كەيىن 6 ۇپاي جيىپ, قولا مەدالدى يەلەندى.
11 قازاندا ءابۋ-دابيدە شىمىلدىعى تۇرىلەتىن Grand Slam تۋرنيرىندە ەلىمىزدىڭ 13 دزيۋدوشىسى تاتاميگە شىعادى. ولار – ءابيبا ابۋجاقىنوۆا (48 كگ), ەسميگۇل كۋيۋلوۆا (63 كگ), نازگۇل ماراتوۆا (+78 كگ), كارينا تاكيەۆا (+78 كگ), ماعجان شامشادين (60 كگ), داۋرەن سۇيەكەنوۆ (60 كگ), ادىلبەك بەرىك ۇلى (66 كگ), دارحان قويباعار (73 كگ), ەرمەك امانگەلدى (73 كگ), جالعاc قايروللا (81 كگ), رۋسلان مۇساەۆ (81 كگ), ادىلەت ساپارعاليەۆ (100 كگ), ءمادي ەدىلباەۆ (+100 كگ).