«قازاقمىس» كومپانيالار توبىنا قاراستى «ساياق-3» شاحتاسىندا ەكى كەنشى كوز جۇمدى. بۇل تۋرالى كومپانيانىڭ ءباسپاسوز قىزمەتى حابارلادى, دەپ جازادى Egemen.kz.
مارقۇم بولعان كەنشىلەر كومىرتەگى گازىنان ۋلانعان. سونىمەن قاتار كومپانيانىڭ تاعى ءبىر قىزمەتكەرى اۋرۋحاناعا جەتكىزىلگەن.
جازاتايىم وقيعانىڭ ءمان-جايىن انىقتاۋ ءۇشىن ارنايى كوميسسيا قۇرىلدى.
«بارلىق قىزمەتكەرلەردى جەدەل ەۆاكۋاتسيالاۋ جۇرگىزىلدى. زارداپ شەككەندەر جاقىن ماڭداعى مەديتسينالىق مەكەمەلەرگە جەتكىزىلدى. وكىنىشكە قاراي, ەكى قىزمەتكەر قايتىس بولدى», دەلىنگەن «قازاقمىس» مالىمدەمەسىندە.
كومپانيا قازا بولعان كەنشىلەردىڭ وتباسىنا ءتيىستى كومەك كورسەتىلەتىنىن حابارلادى.
ال وبلىستىق پوليتسيا باسقارماسى قايعىلى وقيعاعا قاتىستى قىلمىستىق ءىس قوزعادى.
«ساياق-3» شاحتاسىندا بولعان وقيعاعا بايلانىستى قازاقستان رەسپۋبليكاسى قىلمىستىق كودەكسىنىڭ 277 بابىنىڭ 2 تارماعىنا سايكەس, ياعني ابايسىزدا ادام ولiمiنە نەمەسە وزگە دە اۋىر زارداپتارعا اكەپ سوققان تاۋ-كەن نەمەسە قۇرىلىس جۇمىستارىن جۇرگiزۋ كەزiندە قاۋiپسiزدiك قاعيدالارىن بۇزۋ دەرەگى بويىنشا قىلمىستىق ءىس قوزعالدى. قازىرگى ۋاقىتتا پوليتسيا قىزمەتكەرلەرى وقيعانىڭ ءمان-جايىن انىقتاۋ بويىنشا كەشەندى تەرگەۋ ارەكەتتەرىن جۇرگىزىپ جاتىر», دەپ حابارلادى قاراعاندى وبلىسى ءپد باسپاسوز قىزمەتى.