الاكول اۋدانى, ەكپىندى اۋىلىنداعى №72 داۋىس بەرۋ ۋچاسكەسىنە اۋىلدىڭ اتا-اجەلەرى ارنايى ۇلتتىق كيىممەن كەلىپ, ءوز تاڭداۋلارىن جاسادى, دەپ حابارلايدى Egemen.kz.
ءوز كەزەگىندە اق جاۋلىقتى انالار مەن قاريالار بولاشاق ۇرپاقتىڭ دامىعان مەملەكەتتە باقىتتى دا باياندى ءومىر ءسۇرۋىن تىلەدى.
ۇلتتىق كيىمدى ناسيحاتتاپ, ۇلگى تۇتقان قارتتارىمىزدىڭ ءبىرى شاپيولدا قاسىمباەۆ: «بۇگىن ەلىمىز ءۇشىن ماڭىزدى شەشىم قابىلدايتىن كۇن. بۇل ماڭىزدى كۇندە قازاقتىڭ ۇلتتىق كيىمىمەن اۋىل اقساقالدارى جينالىپ, داۋىس بەرۋگە كەلدىك. ەل بولاشاعىن ايقىندايتىن شارادان ارداگەرلەر تىس قالمايمىز», دەدى.