سەنات دەپۋتاتى سەرگەي ەرشوۆ پرەزيدەنت جولداۋىنىڭ نەگىزگى ماسەلەلەرى جانە اتوم ەلەكتر ستانتسياسىن سالۋ جونىندەگى ءتۇسىندىرۋ جۇمىستارى اياسىندا قاراعاندى وبلىسىندا بولىپ, «Bolashaq» اكادەمياسىنىڭ وقىتۋشىلارى جانە ستۋدەنتتەرىمەن كەزدەستى, دەپ حابارلايدى Egemen.kz.
سەنات دەپۋتاتى سەرگەي ەرشوۆ پرەزيدەنت جولداۋىنىڭ نەگىزگى ماسەلەلەرى جانە اتوم ەلەكتر ستانتسياسىن سالۋ جونىندەگى ءتۇسىندىرۋ جۇمىستارى اياسىندا «Bolashaq» اكادەمياسىنىڭ وقىتۋشىلارى جانە ستۋدەنتتەرىمەن كەزدەستى.
سەناتور قازاقستاننىڭ بولاشاعى ءۇشىن اتوم ەلەكتر ستانساسى قۇرىلىسىنىڭ ستراتەگيالىق ماڭىزىن تالقىلاۋعا ەرەكشە نازار اۋداردى. ول ەلىمىزدىڭ ەنەرگەتيكالىق قاۋىپسىزدىگى مەن تۇراقتى ەكونوميكالىق ءوسىپ-وركەندەۋىن قامتاماسىز ەتۋ ماسەلەلەرىنىڭ شەشىمى – اتوم ەنەرگەتيكاسى بولاتىنىن اتاپ ءوتتى. ەرشوۆ قازاقستان ونەركاسىپ پەن ينفراقۇرىلىمنىڭ دامۋى اياسىندا ەلەكتر ەنەرگياسىنا سۇرانىستىڭ ۇلعايىپ وتىرعانىن, اتوم ەلەكتر ستانتسياسىنىڭ ەنەرگيامەن تۇراقتى قامتاماسىز ەتە الاتىنىنا توقتالدى.
«اتوم ەلەكتر ستانساسىنىڭ قۇرىلىسى قازاقستانعا ەلەكتر ەنەرگياسىنا ءوسىپ كەلە جاتقان سۇرانىستىڭ شەشىمىن تابۋعا جانە ەلىمىزدى ۇزاق مەرزىمدى كەلەشەكتە سەنىمدى ەنەرگيا كوزىمەن قامتاماسىز ەتۋگە مۇمكىندىك بەرەدى. بۇل ەكونوميكالىق بەلسەندىلىكتى قولداۋعا جانە ازاماتتارىمىزدىڭ ءومىر ءسۇرۋ ساپاسىن جاقسارتۋعا باعىتتالعان ماڭىزدى قادام», دەپ اتاپ ءوتتى سەرگەي ەرشوۆ.
سەناتور كەزدەسۋ بارىسىندا اتوم ەلەكتر ستانتسياسىن پايدالانۋ قاۋىپسىزدىگى جانە وسى سالاداعى حالىقارالىق تاجىريبە تۋرالى جان-جاقتى ءتۇسىندىردى. جۇزدەسۋگە قاتىسۋشىلار اتوم ەنەرگەتيكاسىن دامىتۋدىڭ كەلەشەگى مەن تومەن كومىرتەكتى ەكونوميكانىڭ اسەرى جانە ەلىمىزدىڭ ەنەرگەتيكالىق سەكتورىن جاڭعىرتۋ ىسىنە باسا نازار اۋداردى.
ستۋدەنتتەر مەن وقىتۋشىلار مۇنداي جوبالاردىڭ قازاقستاننىڭ ەكولوگيالىق جاعدايى مەن الەۋمەتتىك-ەكونوميكالىق دامۋىنا اسەرى تۋرالى سۇراقتار قويدى.
ەرشوۆ الداعى ۋاقىتتا وتەتىن اتوم ەلەكتر ستانساسىن سالۋ جونىندەگى رەفەرەندۋم تاقىرىبىنا توقتالا كەلىپ, پرەزيدەنت قاسىم-جومارت توقاەۆ ەلىمىزدىڭ ءاربىر ازاماتىنىڭ پىكىرىن ەسكەرۋ ءۇشىن رەفەرەندۋم وتكىزۋ تۋرالى باستاما كوتەرگەنىن اتاپ ءوتتى.