ەكولوگياعا پايدالى شەشىم قاجەت

م.اشىمباەۆ ءوز سوزىندە قازىر­گى تاڭدا بۇكىل الەم كليماتتىڭ وز­گەرۋىنەن جانە ەكولوگيانىڭ نا­شار­لاۋىنان تۋىندايتىن پروب­لەمالارمەن بەتپە-بەت كەلىپ وتىر­عانىن اتاپ ءوتتى. بيىل قازاق­ستاندا بولعان سۋ تاسقىنى دا كلي­ماتتىڭ وزگەرۋىنىڭ ءبىر سال­­دارى ەكەنى ايتىلدى. بۇل جاع­داي­دا ەكولوگياعا تيگىزەتىن سال­دار­دى ازايتاتىن جانە ەنەر­گيا­­عا زيان كەلتىرمەيتىن ءتيىمدى شە­شىمدەر قاجەت ەكەنى ءسوز بولدى.

شتاب مۇشەلەرى «پري­رەچنوە اگروفيرماسى» جشس-ءنىڭ بازاسىندا وبلىستاعى اۋىلشارۋاشىلىق ونىم­دەرىن وندىرۋشىلەرمەن جۇزدەستى. بۇ­عان قوسا «ەيكوس» جشس-نىڭ كاسىپ­­كەر­لەرىمەن جانە قىز­مەتكەر­لەرى­مەن, سونداي-اق كوم­­مۋنال­دىق سەك­تور كاسىپ­ورىن­دارىنىڭ ۇجىم­دارى­مەن كەزدەسۋلەر وتكىزىپ, كوتەرىل­گەن ماسە­لەلەردى كەڭىنەن تالقىلا­دى. قاتىسۋشىلار اتالعان پروب­لە­ما­لاردىڭ ماڭىزىنا نازار اۋدا­رىپ, ەلىمىزدە قالىپتاسقان ەكولوگيا­لىق تۇيت­كىل­دەر مەن ەنەرگيا تاپشى­لىعى­نا قاتىس­تى ماسەلەنى جۇيەلى شەشۋ قاجەت ەكەنىن ايتتى.

«پرەزيدەنت قاسىم-جومارت توقاەۆ جولداۋدا اتاپ وتكەندەي, 6 قازاندا قازاقستاندا اەس سالۋ ماسەلەسىنە قاتىستى رەس­پۋبليكالىق رە­فەرەندۋم وتەدى. بۇگىندە بۇكىل الەم كليماتتىڭ وزگەرۋىنە بايلانىس­تى قيىن­دىقتارعا تاپ بولىپ وتىر. كۇن سايىن اۋا رايى وزگەرىپ جاتىر. قورشاعان ورتانىڭ احۋالىن دا ءبارى­مىز كورىپ وتىرمىز. بيىل قازاقستان­دا بولعان الاپات سۋ تاسقىنى دا – سونداي وزگەرىستەردىڭ سالدارى. مۇنداي جاعدايدا ەكولوگياعا تيگىزەتىن سالداردى ازايتاتىن جانە ەنەرگياعا زيان كەلتىرمەيتىن ءتيىمدى شەشىمدەر قاجەت», دەدى پالاتا سپيكەرى.

سونىمەن قاتار كەزدەسۋلەر بارىسىندا ەكولوگيالىق قاۋىپسىزدىك ماسەلەسىن شەشۋ كەشەندى ءتاسىلدى جانە مۇددەلى تاراپتاردىڭ قاتىسۋىن تالاپ ەتەتىنى اتالىپ ءوتتى. ويتكەنى بۇل سالا بارلىق ماڭىزدى باعىتپەن تىعىز بايلانىستى. وسى ورايدا عىلىمعا باعدارلانعان تاسىل­گە جانە قازىرگى الەمدىك تاجى­ريبەنى زەردەلەۋگە ەرەكشە نازار اۋدارعان ءجون. اتاپ ايتقاندا, بۇل ىستە جاڭا تەحنولوگيالاردى زەردەلەۋ جانە وندىرىسكە يننوۆاتسيانى ەنگىزۋ قاجەت. مۇحتار اۋەزوۆ اتىنداعى پەداگوگيكا­لىق كوللەدجدە وتكەن كەزدەسۋدە ءبى­لىم بەرۋ سالاسىنىڭ وكىلدەرى اتال­عان ۇستانىمدى قولدايتى­نىن ءبىلدىردى.