كادر تاپشىلىعى بار وڭىرلەرگە ۇزدىك پەداگوگتەردى تارتۋدىڭ ارنايى باعدارلاماسىنا قاتىسۋعا قۇجات قابىلداۋدىڭ ءبىرىنشى كەزەڭى اياقتالدى. بۇل تۋرالى وقۋ-اعارتۋ مينيسترلىگىنىڭ ورتا ءبىلىم كوميتەتى مالىمدەدى.
باعدارلاما تۇركىستان, اتىراۋ, ماڭعىستاۋ جانە الماتى وبلىستارىندا جۇزەگە اسىرىلىپ جاتىر. اتالعان وڭىرلەرگە ماتەماتيكا, فيزيكا, حيميا, ورىس ءتىلى مەن ادەبيەتى, شەت ءتىلى مۇعالىمدەرى كوبىرەك قاجەت. وندا پەداگوگتەردى قولداۋدىڭ بىرقاتار شاراسى قاراستىرىلعان. اتاپ ايتساق, 150 پايىزعا دەيىنگى مولشەردە ىنتالاندىرۋ ماقساتىندا قوسىمشا اقى تولەۋ, سونداي-اق ارنايى باعدارلاماعا قاتىسۋشى جوعارى وقۋ ورنىنىڭ تۇلەكتەرىنە «پەداگوگ-مودەراتور», ال «پەداگوگ-ساراپشى» مەن «پەداگوگ-زەرتتەۋشىگە» ءبىر ساتى جوعارى بىلىكتىلىك ساناتىن بەرۋ سىندى شابىتتاندىرۋ شارالارى بار.
«كونكۋرسقا جوعارى پەداگوگيكالىق, جوعارى كاسىپتىك ءبىلىمى بار پەداگوگتەر, بىلىكتىلىك ساناتتارى بار پەداگوگتەر, سونداي-اق وقۋ ۇلگەرiمi جاقسى جوعارى وقۋ ورىندارىنىڭ پەداگوگيكالىق ماماندىقتارىنىڭ تۇلەكتەرi تۇرعىلىقتى جەرىنە قاراماستان قاتىسا الادى. بايقاۋدان ىرىكتەلىپ, ءتورت وبلىستىڭ بىرىنە قونىس اۋدارعان مۇعالىمدەردىڭ بالالارى بالاباقشادا, ورتا مەكتەپتە ورىنمەن قامتىلادى جانە ولارمەن ەڭبەك شارتى 5 جىلعا جاسالادى», دەيدى وقۋ-اعارتۋ مينيسترلىگى ورتا ءبىلىم كوميتەتىنىڭ توراعاسى قانىبەك جۇماشەۆ.
بايقاۋ ەكى كەزەڭنەن تۇرادى. العاشقى سىناق – كومپيۋتەرلىك تەستىلەۋ مەن ەسسە جازۋ فورماتىندا بولادى. ەكىنشى كەزەڭگە وتكەندەر جۇزبە-ءجۇز اڭگىمەلەسۋ مۇمكىندىگىنە يە بولادى. تەستىلەۋ مەن ەسسە جازۋ ونلاين فورماتتا ەلىمىزدىڭ 17 وڭىرىندە نازارباەۆ زياتكەرلىك مەكتەپتەرىنىڭ بازاسىندا قاتىسۋشىنىڭ تاڭداۋى بويىنشا قازاق, ورىس نەمەسە اعىلشىن تىلىندە وتەدى. مۇعالىمدەردى بوس لاۋازىمدارعا تارتۋ ءۇشىن ءتيىستى وڭىرلەردىڭ وبلىستىق ءبىلىم باسقارمالارى جانىنان ۇيلەستىرۋ كەڭەستەرى, سونداي-اق مينيسترلىك جانىنان كونكۋرستىق كوميسسيا قۇرىلادى. ايتا كەتەيىك, ءبىرىنشى كەزەڭنىڭ ناتيجەسى بويىنشا 45 ادام قۇجات تاپسىرعان.