كامەلەتكە تولماعان بالالاردىڭ, ارەكەتكە قابىلەتسىز نەمەسە ارەكەت قابىلەتى شەكتەلگەن ازاماتتاردىڭ زاڭدى وكىلدەرى ەندى «eGov.kz» پورتالى ارقىلى ولاردىڭ مۇلكى جانە م ۇلىككە تىركەلگەن قۇقىقتارى تۋرالى انىقتامالاردى الا الادى. بۇل قىزمەت جىلجىمايتىن م ۇلىك تۋرالى مالىمەتتەردى الۋ ۇدەرىسىن ايتارلىقتاي جەڭىلدەتەدى.
مەملەكەتتىك قىزمەت ەندى ءۇشىنشى تۇلعالارعا, ياعني 18 جاسقا تولماعان بالانىڭ قامقورشىلارىنا جانە ارەكەتكە قابىلەتسىز نەمەسە ارەكەت قابىلەتى شەكتەلگەن كامەلەتكە تولعان ازاماتتاردىڭ زاڭدى وكىلدەرىنە قولجەتىمدى بولدى. 6-نىسانداعى انىقتاما ءوتىنىش بەرۋشىنىڭ اتىندا م ۇلىكتىڭ بار نەمەسە جوق ەكەنىن راستايدى, ال 2-نىسانداعى انىقتاما م ۇلىككە مەنشىك قۇقىعى جانە وعان سالىنعان شەكتەۋلەر, مىسالى, قاماۋ نەمەسە كەپىل تۋرالى اقپاراتتى قامتيدى. بۇل مالىمەتتەر جىلجىمايتىن م ۇلىكپەن جاسالاتىن مامىلەلەر, نەسيە الۋ, تۇرعىن ءۇي باعدارلامالارىنا قاتىسۋ جانە باسقا دا قۇقىقتىق جانە اكىمشىلىك راسىمدەر ءۇشىن قاجەت.
انىقتامالاردى الۋ ءۇشىن زاڭدى وكىلدەرگە ەڭ اۋەلى «eGov.kz» پورتالىندا اۆتوريزاتسيادان ءوتىپ, «جىلجىمايتىن م ۇلىك» – «ساتىپ الۋ, ساتۋ, جالعا الۋ» بولىمدەرىنە ءوتۋ قاجەت. سودان سوڭ «ف-6 انىقتاماسى (م ۇلىكتىڭ بار ەكەنى تۋرالى)» نەمەسە «ف-2 انىقتاماسى (م ۇلىككە شەكتەۋلەردىڭ, كەپىلدىڭ, قاماۋدىڭ جوقتىعى تۋرالى)» قىزمەتتى تاڭداپ, «بالاعا (18 جاسقا دەيىنگى, ونىڭ ىشىندە قامقورلىقتاعى جانە قورعانشىلىقتاعى بالاعا)» نەمەسە «زاڭدى وكىل (ارەكەتكە قابىلەتسىز نەمەسە ارەكەت قابىلەتى شەكتەلگەن كامەلەتكە تولعان ازاماتتارعا)» نۇسقاسىن تاڭداۋ كەرەك. قىزمەتتىڭ ناتيجەسىمەن پايدالانۋشى جەكە كابينەت ارقىلى تانىسا الادى.
ايتا كەتەيىك, بۇل قىزمەتتى وقۋ-اعارتۋ مينيسترلىگى, سونداي-اق ەڭبەك جانە حالىقتى الەۋمەتتىك قورعاۋ مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ ازىرلەدى.