تاياۋدا قوناەۆ قالاسىندا جاڭا «كروسسفيت» سپورت الاڭى اشىلىپ, تۇرعىنداردى, اسىرەسە بالالاردى زور قۋانىشقا كەنەلتتى.
«قالادا سپورتقا قىزىعۋشىلار سانى جىل ساناپ ارتىپ كەلەدى. بۇل وتە قۋانتارلىق جاعداي. بۇقارالىق سپورتتى دامىتۋ ءۇشىن جىلىنا جۇزدەگەن شارالار ۇيىمداستىرىلۋدا. ءتۇرلى دەڭگەيدە چەمپيون اتانىپ جۇرگەن سپورتشىلارىمىز دا كوپتەپ سانالادى. بۇگىنگى جاڭا نىسان ەل يگىلىگىنە جارايدى دەگەن سەنىمدەمىز», دەدى شارانىڭ اشىلۋ راسىمىنە قاتىسقان قالا اكىمى اسحات بەردىحانوۆ.
اتالعان نىساندا ارمرەستلينگ, ۇستەل تەننيسى, ستريتبول, باسكەتبول, بوكسپەن اينالىسۋعا بولادى. جاتتىعۋعا ارنالعان ءتۇرلى جابدىقتار ورناتىلعان. بالالار ءۇشىن مۋزىكالىق قۇرالدار قويىلعان. جاسىل ايماعى دا بار. جالپى اۋماعى 1,4 گەكتاردى قۇرايدى. قاۋىپسىزدىكتى ساقتاۋ ماقساتىندا بىرنەشە بەينەباقىلاۋ كامەرالارى ورناتىلعان. تاپسىرىس بەرۋشى – قالالىق تۇكش ءبولىمى. ون ايدىڭ ىشىندە قۇرىلىسى تولىق اياقتالىپ, پايدالانۋعا بەرىلگەن «كروسسفيت» الاڭىندا تۇرعىندار سپورتپەن تەگىن اينالىسادى. ولار دا ەرەكشە الاڭنىڭ اشىلعانىنا ءدان ريزا.
«كەشكە بالالارىمىزبەن قىدىرۋعا, دەمالۋعا بولاتىن كەرەمەت الاڭ ەكەن. ۇلكەندەر سپورتپەن شۇعىلدانىپ جاتقاندا بالالاردىڭ جۇگىرىپ, ويناۋىنا بار جاعداي جاسالعان. قالامىزدا ادەمى, كورىكتى عيماراتتار مەن الاڭدار كوپتەپ سالىنسا دەگەن ارمانىمىز بار», دەيدى قالا تۇرعىنى ماقپال ميراس.
سپورت الاڭىنىڭ اشىلۋ سالتاناتىنا وراي ستريتبول, سوككەربول, كروسفيتتەن جارىس ءوتتى. وعان 130-عا جۋىق سپورتشى قاتىسىپ, ويىن جەڭىمپازدارى ارنايى سىيلىقتارمەن ماراپاتتالدى.
الماتى وبلىسى