ماڭعىستاۋ وبلىسىنىڭ پروكۋراتۋراسى بيۋدجەت قاراجاتىن جۇمساۋدىڭ زاڭدىلىعىن تەكسەرۋ بارىسىندا سپورت مەكەمەسىندە جىمقىرۋ فاكتىسىن انىقتادى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
تەكسەرىس ناتيجەسىندە, ۇلتتىق سپورت تۇرلەرى ورتالىعىنىڭ باس ەسەپشىسى 2018-2023 جىلدار ارالىعىندا 117 ملن تەڭگە كولەمىندەگى بيۋدجەت قاراجاتىن زاڭسىز يەمدەنگەنى انىقتالعان.
اتالعان وقيعانى وبلىس پروكۋراتۋراسى جان-جاقتى زەرتتەپ, تەرگەۋ امالدارىن جۇرگىزدى. ناتيجەسىندە قر قك 371-بابىنىڭ 2-بولىگى (سالعىرتتىق) جانە 189-بابى 4-بولىگى (جىمقىرۋ) بويىنشا قىزلمىستىق ءىس قوزعالىپ, سوتقا جولدانعان.
«سوت ۇكىمىمەن مەكەمە باسشىسى ءوز مiندەتتەرiن تيىسىنشە ورىنداماۋ فاكتىسى بويىنشا كىنالى دەپ تانىلىپ, «قر تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى» زاڭعا سايكەس قىلمىستىق جازادان بوساتىلعان. ال باس ەسەپشى بيۋدجەت قاراجاتىن جىمقىرعانى ءۇشىن 7 جىلعا باس بوتاندىعىنان ايىرىلدى», دەلىنگەن حابارلامادا.
سوت ۇكىمى زاڭدى كۇشىنە ەندى.