جاستارعا ارنالعان جاڭا جوبا

جوبا بويىنشا اتالعان ۋنيۆەرسيتەتتىڭ جاڭا ستۋدەنتتىك كامپۋس­تارى قاسكەلەڭدە بوي كوتەرەدى. اتاپ ايتقاندا, قالا ماڭىنان بو­لىن­گەن 15 گەكتار اۋماققا ارقاي­سىسى 60 مىڭ شارشى مەتردى قۇ­رايتىن ەكى وقۋ كورپۋسى جانە 6 مىڭ ستۋدەنتكە ارنالعان زاماناۋي ۇلگىدەگى جايلى جاتاقحانا سالىنادى دەپ جوسپارلانىپ وتىر. جوبانىڭ ينۆەستيتسيالىق قۇنى شامامەن 100 ملن دوللا­ردى قۇرايدى.

جوبانىڭ اشىلۋ سالتاناتىنا الماتى ەنەرگەتيكا جانە بايلانىس ۋنيۆەرسيتەتىنىڭ رەكتورى عاني نىعىمەتوۆ, نيۋ-يورك كينواكادەمياسىنىڭ پرەزيدەن­تى مايكل يان, الماتى وبلىس­تىق ىشكى ساياسات باسقارماسىنىڭ باسشىسى ەرىك ءابيتوۆ, قاراساي اۋدانىنىڭ اكىمى جاسۇلان ەستەنوۆ قاتىستى. وسىدان كەيىن قوناقتار ۋنيۆەرسيتەت عيماراتىنا كەلىپ, اتالعان جوبا تۋرالى بەينە­كورسە­تىلىم­مەن تانىستى.

وندا العاشقى رەت جاساندى ينتەللەكتىنىڭ كومەگىمەن الماتى قالاسىنان شىعاتىن قوقىستى تاسىمالداۋ, وڭدەۋ جانە تۇرمىستىق قالدىقتاردان جاڭا تەحنولوگيالاردى پايدالانا وتىرىپ, الىناتىن كوگىلدىر وتىندى يگەرۋ, ونى ءتيىمدى پايدالانۋ تۋرالى ءتورت جاڭا جوبا – ستارتاپ تانىستىرىلدى. اتالعان جوبالار جاساندى ينتەللەكت پەن روبوتتەحنيكانى پايدالانا وتىرىپ, تۇرمىستىق جانە ءوندىرىس قالدىقتارىن سۇرىپتاۋ, قايتا وڭدەۋ جانە پايدالانۋ تەحنولوگيالارىن كورسەتتى. دامى­عان مەملەكەتتەردە قالدىقتاردىڭ 80 پايىزدان استامى وڭدەۋدەن وتە­تىنىن ەسكەرسەك, ەلىمىزدە بۇل نەبارى 15 پايىزدان اسپايدى. بۇل قورشاعان ورتا مەن ەكولوگيا­مىز­عا, ەكونوميكامىزعا دا زور شىعىن اكەلەتىنى بەلگىلى.

قاسكەلەڭ قالاسىنداعى كرەا­تيۆتى يندۋستريا پاركىنىڭ اشىلۋ سالتاناتىندا ءسوز باستاعان الماتى ەنەرگەتيكا جانە بايلانىس ۋنيۆەرسيتەتىنىڭ رەكتورى عاني نىعىمەتوۆ «Future University» جوباسى جانە وقۋ ورنىنىڭ العا قويىپ وتىرعان تىڭ باستامالارى تۋرالى باياندادى.

«Future University» جوباسى بويىنشا جاڭا وقۋ كورپۋس­تارى­نىڭ اشىلۋى مۇنداعى وقۋ باع­دار­لاماسىن جەتىلدىرۋىمەن قاتار, جاڭارتىلاتىن جانە اتوم ەنەرگەتيكاسى, جاساندى ينتەللەكت, روبوتتەحنيكا, جاسىل جانە كلي­ماتتىق تەحنولوگيالار, كينويندۋستريا مەن ويىندار سالاسى بويىنشا مامان دايارلايتىن ورتالىق ازياداعى جەتەكشى وقۋ ورىن­دارى­نىڭ بىرىنە اينالادى», دەدى ۋنيۆەرسيتەت رەكتورى.

سونداي-اق «Future University» قاسكەلەڭ قالاسىندا ورنالاس­قان سۋلەيمان دەميرەل ۋنيۆەرسيتە­تىنە كورشىلەس قونىستانۋى ەكى جوعارى وقۋ ورنىنىڭ بىرىگىپ جۇمىس ىستەۋىنە مول مۇمكىندىك بەرەدى. سدۋ بۇگىندە ەلىمىزدەگى جە­تەكشى ۋنيۆەرسيتەتتەردىڭ بىرىنە اينالعانى اقيقات. سوندىقتان ­ستۋدەنتتەر مەن وقىتۋشىلاردى الماستىرۋ, عىلىمي جوبالار­دى بىرلەسە جۇزەگە اسىرۋ, ۋني­ۆەرسيتەتتىڭ قۇرىلىمى مەن تەح­نيكالىق مۇمكىندىكتەرىن بىرى­گىپ پايدالانۋ ارقىلى زاماناۋي مامانداردى دايارلاۋ, وزىق جاڭا­لىقتاردى جۇزەگە اسىرۋ مۇم­كىندىگى ارتادى. جوعارى وقۋ ورىندارى اراسىنداعى ءوزارا ارىپتەستىك­تىڭ ناتيجەسىندە تابيعاتى كور­كەم قاسكەلەڭ قالاسى دا جەدەل دامىپ, 20 مىڭنان اسا ستۋدەنتتىڭ قۇتتى مەكەنىنە اينالارى ءسوزسىز.

ءوز كەزەگىندە قاراساي اۋدانى­نىڭ اكىمى جاسۇلان ەستەنوۆ حا­لىق سانى جارتى ميلليونعا جۋىق­تايتىن اۋداننىڭ وندىرىستىك سالاسى كۇن وتكەن سايىن دامىپ كەلە جاتقانىن تىلگە تيەك ەتىپ, اۋدان اۋماعىندا ەكىنشى جوعارى وقۋ ورنىنىڭ اشىلۋىن قۋانا قۇپ­تاي­تىندىعىن ءبىلدىردى. سونداي-اق ول قاسكەلەڭ قالاسىنىڭ ستۋدەنتتەر قالاشىعىنا اينالۋى ءوڭىردىڭ دامۋىنا داڭعىل جول اشاتىنىن اتاپ ءوتتى.

الماتى وبلىسى