ەل پرەزيدەنتى قازاقستان حالقىنا جولداۋىندا بيۋدجەت مىندەتتەمەلەرى مەن مۇمكىندىكتەرى تۇرعىسىنان سايكەستەندىرىلگەن بازالىق مەملەكەتتىك مەديتسينالىق كومەكتىڭ بىرىڭعاي پاكەتىن قۇرۋدى تاپسىردى. «ودان اسىپ كەتكەن قارجى ساقتاندىرۋ جۇيەسى ارقىلى تولەنۋى كەرەك», – دەپ اتاپ ءوتتى مەملەكەت باسشىسى. وسىعان وراي پاكەت جوباسى بۇگىن دەنساۋلىق ساقتاۋ ءمينيسترىنىڭ توراعالىعىمەن, وڭىرلىك دەنساۋلىق ساقتاۋ باسقارمالارى جانە ۆەدومستۆولىق باعىنىستى ۇيىمدار باسشىلارىنىڭ قاتىسۋىمەن وتكەن اپپارات وتىرىسىندا قارالدى, دەپ حابارلايدى Egemen.kz.
مەديتسينالىق كومەكتىڭ بىرىڭعاي پاكەتى – كەپىلدەندىرىلگەن جانە ساقتاندىرۋ قىزمەتتەرىنىڭ اراسىنداعى قايتالانۋدى جوياتىن مەديتسينالىق قىزمەتتەرگە قولجەتىمدىلىكتى ارتتىرۋعا جاسالعان ناقتى قادام. مەديتسينالىق كومەك رەتكە كەلتىرىلىپ, اناعۇرلىم تۇسىنىكتى بولا تۇسەدى, ءاربىر قازاقستاندىق ساقتاندىرۋ پاكەتىنە نە كىرەتىنىن جانە قاجەتتى مەديتسينالىق قىزمەتتەردى قالاي الاتىنىن بىلەتىن بولادى.
«سونىمەن قاتار وتىرىستا الەۋمەتتىك ءال-اۋقاتىنىڭ دەڭگەيى قيىن جانە شۇعىل كومەكتى قاجەت ەتەتىن ازاماتتار ءۇشىن ءمامس-كە جارنانى جەرگىلىكتى اتقارۋشى ورگاندار ەسەبىنەن تولەۋ تۋرالى ماسەلە كوتەرىلدى. مۇنداي ءتاسىل قازىرگى تاڭدا ساقتاندىرۋ جۇيەسىنەن تىس قالىپ وتىرعان 1 ميلليوننان استام قازاقستاندىقتاردىڭ مەديتسينالىق قىزمەتتەرگە قولجەتىمدىلىگىن قامتاماسىز ەتەدى», - دەلىنگەن حابارلامادا.
بۇعان دەيىن جوبا كاسىبي مەديتسينالىق قوعامداستىق اراسىندا تالقىلاندى. اتالعان باستاما 2025 جىلدان باستاپ كەزەڭ-كەزەڭىمەن جۇزەگە اسىرىلادى. جۇيەنى تولىقتاي 2027 جىلعا قاراي ەنگىزۋ كوزدەلۋدە, بۇل مىندەتتى مەديتسينالىق ساقتاندىرۋمەن ء(مامس) حالىقتىڭ 95%-دان كەم ەمەس بولىگىن قامتۋعا سەپتىك ەتەدى.