استانادا ءى.جانسۇگىروۆ كوشەسى بويىنشا ابىلاي حان داڭعىلىنان ش. قۇدايبەردى ۇلى داڭعىلىنا دەيىنگى ۋچاسكەدە جول توسەمىنە ورتاشا جوندەۋ جۇمىستارى جۇرگىزىلەدى, دەپ حابارلايدى Egemen.kz.
استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسىنىڭ مالىمەتىنشە, وسىعان بايلانىستى قىركۇيەكتىڭ 9-ى ساعات 20:00-دەن 11 قىركۇيەك ساعات 07:00-گە دەيىن جوعارىدا اتالعان ۋچاسكە تولىعىمەن جابىلادى.
ايتا كەتەيىك, بۇل رەتتە اۆتوكولىك قۇرالدارىنىڭ قوزعالىسى اينالىپ ءوتۋ سحەماسىنا سايكەس ىرگەلەس كوشەلەر بويىنشا ۇيىمداستىرىلادى.
ەلوردا تۇرعىندارى مەن قوناقتارىنان قالا جولدارىنداعى كەپتەلىستەردى بولدىرماۋ ماقساتىندا ءوز باعىتتارىن الدىن الا جوسپارلاۋ سۇرالادى.