مەنتوردىڭ ماڭىزى زور

وتباسى قۇندىلىعى – ومىر­­شەڭ تاقى­رىپ. وسى وراي­دا جەتىسۋ­­­دىڭ بارلىق اۋدان ورتالىعى مەن تەكەلى قالاسىنداعى مەكتەپتەردە ادەپ جانە قۇقىق جۇمىسى جونىندەگى مەنتورلار جۇمىسىنا كىرىس­تى. ەسكە سالساق, بۇل جوبا قانات­قاقتى رەجىمدە وتكەن وقۋ جىلىندا تالدىقورعان قالاسىندا, جاڭا جىلدان پان­فيلوۆ اۋدانىندا باستالعان ەدى. وسى­لايشا, جوبا تۇتاس وبلىس­­­تى قامتىدى.

جاڭا وقۋ جىلىندا ىسكە كىرىس­كەن 40 مەنتوردىڭ قاتا­رىندا جاس مامان سايان ءنۇسىپ­جانوۆ تا بار. ول بۇعان دەيىن قۇقىق قورعاۋ سالاسىندا جۇمىس ىستەگەن. جاسوسپىرىمدەر تاربيە­سىنە قاتىستى جاڭا جوبا قولعا الىنعانىن ەستىگەن جاس مامان كوكسۋ اۋدانىنا قاراستى بالپىق بي اۋىلىنداعى قادىر­­عالي جالايري اتىنداعى مەك­تەپ-گيمنازياسىنىڭ مەنتورى بولۋعا نيەت بىلدىرگەن.

«جاز بويى باسقا دا ماماندارمەن بىرگە دايىندىقتان ءوتىپ, پسيحولوگيا باعىتىنداعى سەمينار-ترەنينگتەرگە, سول سياقتى توتەنشە جاعدايلار جونىندەگى دەپارتامەنت وكىل­­دەرىنىڭ وقىس جاعدايلاردا قالاي ارەكەت ەتۋ­دى ۇيرەتەتىن ساباقتارىنا قاتىس­تىم. سو­نىمەن بىرگە وتكەن جىلدان بەرى مەنتورلىقتا جۇمىس ىستەپ كەلە جاتقان ماماندار تاجىريبەسىمەن ءبولىستى. بۇل وقۋ­­شى­لارمەن ناتيجەلى جۇمىس ىستەۋى­مىزگە, بۇگىنگى زامانعى وزەكتى ماسە­لەلەردى ءتيىمدى شەشۋگە ءوزىنىڭ وڭ ىقپالىن تيگىزەدى دەپ ويلايمىن», دەيدى س.ءنۇسىپجانوۆ.

ءوڭىر اكىمىنىڭ ءباسپاسوز قىزمەتىنىڭ مالىمەتىنشە, ادەپ جانە قۇقىق جۇمىسى جونىندەگى مەنتورلار بۇگىنگى زامانعى وزەكتى ماسەلەلەردى ەسكەرە وتىرىپ, 9 باعىتتا, اتاپ ايتقاندا, بالالار مەن جاسوسپىرىمدەردىڭ قۇقىعى مەن مىندەتىن ءتۇسىنۋ, ناشاقورلىقتىڭ, لۋدو­ما­نيا­نىڭ, ءسۋيتسيدتىڭ, بۋللينگتىڭ, كيبەربۋللينگتىڭ, زورلىق-زومبىلىقتىڭ بارلىق ءتۇرىنىڭ الدىن الۋ باعىتىندا جۇمىس جۇرگىزەدى. سونىمەن قاتار سالاۋاتتى ءومىر سالتىن ناسيحاتتاۋ, كاسىپتىك باعدار بەرۋ, سونداي-اق شىعارماشىلىق ويلاۋدى جانە قارجىلىق ساۋاتتىلىقتى ارتتىرۋ, ت.ب. باعىتتارعا ەرەكشە نازار اۋدارىلادى.

بۇگىن 7-سىنىپ وقۋشى­لا­رىنا العاشقى تانىستىق سابا­عىن وتكىزگەن س.ءنۇسىپجانوۆ با­لا­­لار­عا مەنتور دەگەننىڭ كىم ەكەنىن, ونىڭ نەمەن اينالىساتىنىن ءتۇسىندىرىپ, وزىنە كەز كەلگەن ومىرلىك جاعدايلارعا قا­تىستى جۇگىنۋگە بولاتىنىن جەتكىزدى.

جەتىسۋ وبلىستىق قوعام­دىق دامۋ باسقارماسى باسشى­سىنىڭ ورىنباسارى ءىلياس تۇستىك­باەۆ­­تىڭ ايتۋىنشا, قازىر­گى كەزدە ءوڭىر مەكتەپتەرىندە 108 مەنتور جۇمىس ىستەيدى.

«وبلىس اكىمى بەيبىت يساباەۆ­تىڭ باستاماسىمەن وتكەن جىلى تالدىقورعان قالا­­سىنىڭ, ال جىل باسىنان بەرى پانفيلوۆ اۋدانىنىڭ مەكتەپتەرىندە ادەپ جانە قۇقىق جۇمىسى جونىندەگى مەنتورلىق قاناتقاقتى جوباسى باستالعان بولاتىن. بۇل جوبا ءوزىنىڭ تيىمدىلىگىن كور­سەتتى. ماسەلەن, پوليتسيا دە­پار­تامەنتىنىڭ اقپاراتىنا ساي­كەس اتالعان وڭىرلەردە جاسوس­­پىرىمدەر قىل­مىسى 4 ەسەگە تومەن­­دەگەن. وسىعان بايلانىس­تى بيىلعى جاڭا وقۋ جىلىنان باستاپ بارلىق اۋدان ورتالىعى مەن تەكەلى قالاسىنداعى مەكتەپ­تەرگە دە مەنتور مامانداردى ەنگىزۋ تۋرالى شەشىم قابىل­داندى. قازىر مەنتورلار جەر­گىلىكتى اتقارۋشى ورگاندارمەن بىرلەسىپ جۇمىستارىنا كىرىستى», دەدى ءى.تۇستىكباەۆ.

مەنتورلىق جۇمىسقا پەداگوگتەر, پسيحولوگتەر, زاڭگەرلەر, قۇقىق قورعاۋ ورگاندارىنىڭ اردا­گەرلەرى, جۋرناليستەر, ت.ب. ماماندىق يەلەرى تارتىلعان. ولار مەنتورلىق قىزمەتكە اڭگىمەلەسۋ تۇرىندەگى ىرىكتەۋ كونكۋرسىنان ءوتىپ, قابىلدانعان.

«مەن تالدىقورعان قالاسىن­داعى №12 ورتا مەكتەپتە ادەپ-قۇقىق جونىندەگى مەنتور رەتىندە قىزمەت ەتىپ كەلەمىن. بۇگىنگە دەيىن مەكتەپ وقۋشىلارىمەن ەتەنە ارالاسىپ, ءبىرىنىڭ سىرلاسىنا, ەكىنشىسىنىڭ اينىماس ادال اقىلشىسىنا اينالىپ ۇلگەردىك. مەنتور رەتىندە كوپتەگەن شارا ۇيىمداستىرىپ, جاستاردى ونەگەلى ءىس پەن ۇلتتىق قۇندىلىقتارعا قانىقتىردىق. وتباسىنداعى كەيبىر قاجەتتى دەگەن جىلۋ مەن كەڭەستى اتا-انالارىنىڭ كۇيبەڭ تىرلىكتەن قولى بوسامايتىنىن ەسكەرىپ, ءبىز مەيلىنشە مولىنان بەرۋگە تىرىستىق. سونىڭ ارقاسىندا كەيبىر بۇيىعى, توماعا-تۇيىق مىنەزدى وقۋشىلار اشىلىپ سويلەيتىن دەڭگەيگە جەتتى. ءبىزدى ىزدەپ كەلىپ, كەڭەس سۇرايدى. وسىنىڭ وزىنەن-اق مەنتور رەتىندەگى قىزمەتىمىز جەمىستى دەۋگە نەگىز بار», دەيدى №12 ورتا مەكتەپتىڭ ادەپ-قۇقىق جونىندەگى مەنتورى نازيرا رازيەۆا.

جالپى العاندا, قوعام, ادام, زامان دەپ كەلەتىن نەگىزگى تاقى­­رىپ­تاردىڭ ءبارىن سان باعىتتا ورنەكتەۋگە, اڭگىمەلەپ ورىس­تە­تۋگە بولادى. الايدا جانى تازا وسكەلەڭ ۇرپاقتىڭ تاربيەگە قا­تىس­تى كەي كەمشىلىگىن تۇزەۋگە ۋاقىت پەن كۇش كەرەك. بۇل رەتتە مەنتوردىڭ ماڭىزى زور.

جەتىسۋ وبلىسى