ۇلەسكەرلەر قونىس تويىن تويلادى

ماۋسىمنىڭ 16-سى كۇنى اس­تاناداعى “فاۆوريت” تۇر­عىن ءۇي كەشەنىندەگى مانسار­دتى قۇرى­لىستىڭ 17 ۇلەسكەرىنە cال­تاناتتى تۇردە پاتەر كىلتتەرى تابىس ەتىلدى. قۇرىلىسقا قاتىسۋشى ۇلەس­كەر­لەردىڭ قۇقىعىن قورعاۋ ماسەلەلەرى 2009 جىلدىڭ 5 قازانىندا پرە­مەر-مينيستر كارىم ءماسىموۆتىڭ توراعالىعىمەن وتكەن مەملەكەتتىك كوميسسيا وتىرىسىندا ارنايى قا­رالعان بولاتىن. وسى ورايدا الەۋ­مەتتىك جاعىنان قورعالۋى ءتيىس بار­لىق ۇلەسكەرلەر مۇددەسىن قاناعات­تاندىرۋ تەز ارادا قولعا الىندى. باعدارلاما شارتى بويىنشا, قۇ­رىلىس ۇلەسكەرلەرى اۋدانى 100 شار­شى مەتردەن اسپايتىن ءبىر عانا پاتەر­گە يە بولۋى كەرەك. ۇكىمەت قول­داۋىمەن قۇرىلعان “جاڭا قۇرى­لىس” جشس الدانىپ قالعان ۇلەس­كەرلەردىڭ قۇرىلىستاعى پاتەرلەرىن ساتىپ الۋمەن اينالىسادى. اتالعان قۇرىلىس كومپانياسى ديرەكتورى­نىڭ ورىنباسارى ەلەنا چايكانىڭ ايتۋىنشا, قازىرگى كەزگە دەيىن 80 پايىزدىق دايىندىق ساتىسىنداعى 19 پاتەر ساتىپ الىنىپ وتىر. بۇل پاتەرلەردىڭ ءار شارشى مەترى 90000 تەڭگەدەن اينالعان. “جاڭا قۇرى­لىس” كومپانياسىنىڭ تۇرعىن ۇيمەن قامتاماسىز ەتەتىن تاعى 300 ۇلەسكەرى بار. ولاردىڭ قۇقىعىن قورعاپ جانە پاتەرمەن قامتاماسىز ەتۋ باعدارلاماسى وسى جىلدىڭ اياعىنا دەيىن جۇزەگە اسىرىلماق. ال بۇگىنگى تاڭدا كورىكتى تۇرعىن ۇيدەن پاتەر العان ۇلەسكەرلەر ءوز قۋانىشتارىن جاسىرماي, قالا اكىمدىگىنە زور العىسىن ءبىلدىردى. بي-بولات سەيتاق, ل.ن.گۋميلەۆ اتىنداعى  ەۋرازيا ۇلتتىق ۋنيۆەرسيتەتىنىڭ  ستۋدەنتى.