شىمكەنتتە اۋدان اكىمى اپپاراتىنىڭ بۇرىنعى باسشىسى 700 ميلليون تەڭگەنى جىمقىرعانى ءۇشىن سوتتالدى, دەپ حابارلايدى Egemen.kz جوعارعى سوتتىڭ ءباسپاسوز قىزمەتىنە سىلتەمە جاساپ.
شىمكەنت قالاسىنىڭ اۋدانارالىق قىلمىستىق سوتى م.-عا قاتىستى اسا ءىرى مولشەردە سەنىپ تاپسىرىلعان م ۇلىكتى توپ اداممەن الدىن الا ءسوز بايلاسۋ ارقىلى قىزمەت بابىن پايدالانا وتىرىپ ىسىراپ ەتۋ جانە ك. مەن ب.-عا اسا ءىرى مولشەردە بوتەننىڭ مۇلكىن توپ اداممەن ۇرلاۋ, اسا ءىرى مولشەردە سالىق تولەۋدەن جالتارۋ جانە قۇجاتتاردى قولدان جاساۋ فاكتىسى بويىنشا قىلمىستىق ءىستى قارادى.
سوت 2019 جىلى شىمكەنت قالاسى ءال-فارابي اۋدانى اكىمى اپپاراتىنىڭ باسشىسى م. جشس ديرەكتورى ب. جانە قۇرىلتايشىسى ك. بىرگە قىلمىستىق ماقساتتا اكىمدىكتىڭ بيۋدجەت قاراجاتىن جىمقىرۋدى كوزدەگەنىن انىقتاعانىن حابارلادى.
«ولار تۇرعىن ءۇي اۋلالارىن اباتتاندىرۋعا ارنالعان سمەتالىق قۇجاتتاردى (قوقىس جاشىكتەرى, شاعىن بەسەدكالار, ورىندىقتار, ويىن جانە جاتتىعۋ الاڭدارى) ماتەريالداردىڭ قۇنىن اسىرا وتىرىپ ازىرلەۋ ارقىلى شامامەن 700 ملن تەڭگە كولەمىندە م ۇلىكتى ىسىراپ ەتتى. ءوز كەزەگىندە ك. ۇيىمداستىرۋشى رەتىندە ب.-مەن بىرگە دەكلاراتسيالارعا ادەيى بۇرمالانعان دەرەكتەردى ەنگىزۋ ارقىلى سالىق تولەۋدەن جالتارۋدى ۇيىمداستىرىپ, مەملەكەتكە 194 ملن تەڭگەدەن استام زيان كەلتىردى», دەلىنگەن حابارلامادا.
سونىمەن قاتار ب. سالىق ورگاندارى الدىنداعى قارىزىن جاسىرۋ ماقساتىندا 130 ملن تەڭگەدەن استام سوماعا بانك كەپىلدىگىن جاساۋ ءۇشىن بانك فيرمالىق بلانكىن قولدان جاساعانى بەلگىلى بولدى.
پروكۋرور سوتتالۋشىلارعا 8 جىل باس بوستاندىعىنان ايىرۋ جازاسىن ۇسىنعان, جابىرلەنۋشىلەردىڭ وكىلدەرى زاڭعا سايكەس جازا تاعايىنداۋدى تالاپ ەتكەن. بىراق, سوتتالۋشىلار ءوز كىنالارىن مويىنداماي, ولاردى اقتاۋدى سۇراعان.
سوت جەڭىلدەتەتىن ءمان-جايلاردى ەسكەرە وتىرىپ – كامەلەتكە تولماعان بالالارىنىڭ بولۋىنا بايلانىستى, ارقايسىسىنا قىلمىستىق قۇقىق بۇزۋشىلىقتاردىڭ جيىنتىعى بويىنشا 8 جىل باس بوستاندىعىنان ايىرۋ جازاسىن تاعايىنداپ, م.-نى ءومىر بويىنا مەملەكەتتىك قىزمەتتە لاۋازىمداردى اتقارۋ قۇقىعىنان ايىردى. سونداي-اق, ب. قك-ءنىڭ 385-بابىنىڭ 3-بولىگى بويىنشا قىلمىستىق جاۋاپكەرشىلىكتەن ەسكىرۋ مەرزىمىنىڭ وتۋىنە بايلانىستى بوساتىلدى, قىلمىستىق ءىس بۇل بولىكتە توقتاتىلعان. سوت ۇكىمى زاڭدى كۇشىنە ەنگەن جوق.