يسپانيانىڭ پونتەۆەدرە قالاسىندا ءوتىپ جاتقان كۇرەس تۇرلەرىنەن 20 جاسقا دەيىنگى سپورتشىلار اراسىنداعى الەم چەمپيوناتىندا قازاقستان قورجىنىنا ەكى مەدال ءتۇستى, دەپ حابارلايدى Egemen.kz.
گرەك-ريم كۇرەسىنەن 55 كەلىدە سىنعا تۇسكەن ايبەك ايتبەكوۆ ءوز سالماعىندا ۇزدىك ۇشتىككە ەندى. ايبەك كىشى فينالدا مولدوۆالىق ماكسيم سارمانوۆتى 10:1 ەسەبىمەن جەڭدى. بۇل سالماقتا التىندى يران, كۇمىستى اقش بالۋانى يەلەنسە, تاعى ءبىر قولا جۇلدە رەسەيلىك الىبەك ءاميروۆتىڭ ەنشىسىندە.
87 كەلى سالماقتا سىنعا تۇسكەن تەمىرلان تۇرداقىن دا الەم چەمپيوناتىندا ۇزدىكتەر قاتارىنان كورىندى. قولا مەدال ءۇشىن كۇرەستە تەمىرلان ارمەنيالىق رۋبەن گەۆورگياندى جەڭدى. تاعى ءبىر قولا مەدالدى گرۋزيا بالۋانى يەلەنگەن.
ەسكە سالايىق, بۇگىن تاعى ەكى قازاقستاندىق بالۋان الەم چەمپيوناتىنىڭ فينالىنا شىققان ەدى.