«تازا قازاقستان» باستاماسى اياسىندا اقمولا وبلىسىندا ەكولوگيالىق ءىس-شارالار جالعاسىپ جاتىر. وسى باعىتتا كەشە كوكشەتاۋ قالاسىندا «تازا كوكشەتاۋ» جوباسىن قولداۋ ماقساتىندا تازالىق جۇمىستارى ۇيىمداستىرىلدى.
ءىس-شاراعا جاستار ۇيىمدارىنىڭ باسشىلارى, ازاماتتىق سەكتور وكىلدەرى, قالالىق ءماسليحات دەپۋتاتتارى, بەلسەندى جاستار, ەرىكتىلەر جانە «جاسىل ەل» جاۋىنگەرلەرىنەن قۇرالعان بارلىعى 500-گە جۋىق ادام قاتىستى. ءىس-شارانىڭ نەگىزگى ماقساتى – «ادال ادام – ادال ەڭبەك – ادال تابىس» تۇجىرىمداماسى نەگىزىندە قالا تۇرعىندارىنىڭ ەكولوگيالىق مادەنيەتىن ارتتىرۋ, تابيعاتقا, قورشاعان ورتاعا ۇقىپتى قاراۋ قۇندىلىقتارىن دارىپتەۋ.
ءىس-شارا بارىسىندا قالا تۇرعىندارى باقىلاۋ الاڭىن تازارتىپ, «تاۋەلسىزدىك» تۋ تۇعىرىن اباتتاندىرىپ, كوكشەتاۋ قالاسىنىڭ تاۋ بوكتەرىن قوقىستان تازارتتى.
«اقمولا وبلىسىنىڭ تۇرعىندارى مەملەكەت باسشىسى قاسىم-جومارت توقاەۆتىڭ باستاماسىمەن قولعا الىنعان «تازا قازاقستان» جوباسىن بەلسەندى قولدايدى. بۇل جوبا تابيعاتقا, ءوز ۇيىنە ۇقىپتى قاراۋعا باعىتتالعان. وسىلايشا, قوعامنىڭ تازالىعىنا, ەكولوگياعا بەيجاي قارامايتىن, اينالاسىنا قامقورلىق تانىتىپ, تابيعاتتى قورعايتىن جاستار شوعىرى كوبەيە تۇسەدى», دەيدى بەلسەندى جاستاردىڭ ءبىرى ناريمان مەڭدىباەۆ.
جالپى, «تازا قازاقستان» ەكولوگيالىق اكتسياسى باستالعان ساتتەن باستاپ اقمولا وبلىسى بويىنشا 550-دەن اسا ەلدى مەكەن قامتىلىپ, 80 مىڭ توننا قوقىس شىعارىلدى. تاريحي-مادەني ەسكەرتكىشتەردىڭ اۋماعىن اباتتاندىرۋ بويىنشا جۇمىس جۇرگىزىلىپ, 200-گە جۋىق كوشەت وتىرعىزىلىپ, اعاشتاردى اكتەۋ, سۋايدىندارىنىڭ, وزەندەر مەن كولدەردىڭ اينالاسىن قوقىستان تازارتۋ, 400 بالالار الاڭى اباتتاندىرىلىپ, تۇرعىن ۇيلەر مەن قوعامدىق عيماراتتاردىڭ قاسبەتتەرى جوندەلدى. وبلىس بويىنشا بارلىعى 500 مىڭعا جۋىق ادامنىڭ قاتىسۋىمەن 3 500-گە جۋىق ءبىر رەتتىك ەكولوگيالىق ءىس-شارا ءوتتى.