سىعاناق كوشەسىنىڭ ۋچاسكەسى ءىشىنارا جابىلدى, دەپ حابارلايدى Egemen.kz.
- ەلوردانىڭ كولىك جانە جول-كولىك ينفراقۇرىلىمىن دامىتۋ باسقارماسى ش.ايتماتوۆ كوشەسىنەن باستاپ تۇران داڭعىلىنا دەيىنگى ۋچاسكەدە سىعاناق كوشەسىنىڭ سول جاق جول توسەمىنىڭ ۇستىڭگى قاباتىن سالۋ بويىنشا جۇمىستار جۇرگىزىلەتىنىن مالىمدەدى, دەيدى جەرگىلىكتى اكىمدىك.
وسىعان بايلانىستى 24-26 تامىز ارالىعىندا جوعارىدا كورسەتىلگەن ۋچاسكە ءىشىنارا جابىلادى. بۇل رەتتە قوزعالىس جولدىڭ وڭ جاعىمەن ەكى باعىتتا قامتاماسىز ەتىلەدى, – دەپ تولىقتىردى ۆەدومستۆو.
قالا تۇرعىندارى مەن قوناقتارى جولدارداعى كەپتەلىستەردى بولدىرماۋ ماقساتىندا ءوز مارشرۋتتارىن الدىن الا جوسپارلاۋى كەرەك.