پاريجدە وتكەن جازعى وليمپيا ويىندارىنان ورالعان سپورتشىلارعا قۇرمەت كورسەتۋ جالعاسىن تاپتى. جۋىردا الماتى وبلىسىنىڭ اكىمى مارات سۇلتانعازيەۆ جەكە قۇتتىقتاپ, ءوڭىر كاسىپكەرلەرى اتىنان باعالى سىيلىقتار تابىس ەتتى. وليمپياداعا قاتىسۋشىلاردىڭ جالپى جۇلدە قورى 24 ميلليون تەڭگەنى, 4 پاتەردى قۇرادى.
«ايماق كاسىپكەرلەرى حالىقارالىق جارىستاردا تۋعان ءوڭىرىنىڭ نامىسىن قورعاپ جۇرگەن دارىندى سپورتشىلاردى قولداۋعا ارقاشان دايىن», دەگەن وبلىس اكىمى وڭىردەگى سپورتتى دامىتۋعا ۇلەس قوسقان «Elit Stroy Group» قۇرىلىس كومپانياسىنىڭ ديرەكتورلار كەڭەسىنىڭ توراعاسى بەكزات سارمونوۆ پەن «كاز ستروي مونوليت» كومپانياسىنىڭ كوممەرتسيالىق ديرەكتورى ءالىمجان سارسەنباەۆقا, «كاzSمU» كومپانياسىنا ەرەكشە العىس ءبىلدىردى.
ء«بىز سىزدەردى ماقتان تۇتامىز, سىزدەردىڭ مەدالدارىڭىز – بۇل جاي عانا سپورتتىق جۇلدەلەر ەمەس, ولار – باتىلدىقتىڭ, قايسارلىقتىڭ, وتانعا دەگەن شەكسىز سۇيىسپەنشىلىكتىڭ ناعىز ۇلگىسى. بۇقارالىق سپورتتى دامىتىپ, چەمپيوندارىمىزدى قولداۋ ءۇشىن الداعى بايراقتى باسەكەلەردە دە سپورتشىلارىمىزدىڭ جارقىن جەڭىستەرگە جەتۋىنە ءبىز بارلىق جاعدايدى جاسايمىز», دەدى م.ەلەۋسىز ۇلى.
وبلىس باسشىسى ءوڭىردىڭ بارشا كاسىپكەرلەرى اتىنان وليمپيادانىڭ كۇمىس جۇلدەگەرى دەمەۋ جادىراەۆقا 10 ميلليون تەڭگەنىڭ سەرتيفيكاتى مەن 3 بولمەلى پاتەردىڭ كىلتىن, سونداي-اق قولا جۇلدەگەر نازىم قىزايبايعا دا بيزنەس قاۋىمداستىعىنىڭ سىيلىعى 3 بولمەلى پاتەردىڭ كىلتى مەن 2 ميلليون تەڭگەنىڭ سەرتيفيكاتىن تابىستادى.
سپورتشىلاردىڭ جاتتىقتىرۋشىلارى دا ماراپاتسىز قالمادى. جۇماقان تۇرعانبەكوۆ پەن بورانبەك قوڭىراتوۆ وڭىرلىك كاسىپكەرلەردەن 2 ميلليون تەڭگەنىڭ سەرتيفيكاتى مەن 2 بولمەلى پاتەردىڭ كىلتىن الدى. سونىمەن قاتار پاريج وليمپياداسىندا ونەر كورسەتكەن ەدۋارد ەششەنكو (ستەند اتۋ), اسەم ورىنباي (ستەند اتۋ), ماريا دميتريەنكو (ستەند اتۋ) جانە نيكيتا چيريۋكين (اتۋ) كاسىپكەرلەر اتىنان 2 ميلليون تەڭگەنىڭ سەرتيفيكاتىن يەلەندى.
الماتى وبلىسى