مۇعالىمدەردىڭ, اتا-انالار مەن وقۋشىلاردىڭ ىڭعايلىلىعى ءۇشىن جارنامانى جانە اقىلى فۋنكتسيالاردى بولدىرماۋ, سونداي-اق بيۋدجەت قاراجاتىن ۇنەمدەۋ ماقساتىندا 2024 جىلعى 1 قىركۇيەكتەن باستاپ قوستاناي وبلىسىنىڭ بارلىق مەكتەپتەرىندە «BilimClass» ەلەكتروندىق جۋرنال جانە كۇندەلىك ءمودۋلى ەنگىزىلەدى. ءبىلىم باسقارماسى بۇل «Kundelik» جۇيەسىن الماستىراتىنىن مالىمدەدى, دەپ حابارلايدى Egemen.kz.
انىقتالعانداي, بارلىق دەرەكتەر الدىڭعى جۇيەدەن جاڭاسىنا اۆتوماتتى تۇردە جۇكتەلەتىن بولادى.
— «BilimClass» جۇيەسىنە كوشكەن كەزدە بارلىق ءبىلىم بەرۋ ۇيىمدارى مۇعالىمدەر, وقۋشىلار جانە ولاردىڭ اتا-انالارى ءۇشىن تەگىن تسيفرلىق رەسۋرستارمەن قامتاماسىز ەتىلەدى. مەكتەپتەردەگى, سىنىپتارداعى, پاندەر بويىنشا ءبىلىم ساپاسىن باقىلاۋعا اۋداندىق, وبلىستىق دەڭگەيدە مۇمكىندىك بار. «Kundelik» جۇيەسىنەن شىعارىلعاننان كەيىن جانە BilimClass-قا دەرەكتەردى اۆتوماتتى تۇردە جۇكتەگەننەن كەيىن قۇجاتتاردى قويمادا تەگىن ساقتاۋ مۇمكىندىگى بەرىلەدى, — دەپ حابارلادى ءبىلىم باسقارماسىنان.
ايتا كەتەيىك, Bilimcenter.kz مودۋلىنە – فۋنكتسيونالدىق ساۋاتتىلىقتى قالىپتاستىرۋ مەن باعالاۋعا ارنالعان تسيفرلىق پورتالعا تەگىن قولجەتىمدىلىك قامتاماسىز ەتىلەدى. بۇل پورتال مۇعالىمدەرگە بىلىكتىلىكتى ارتتىرۋ كۋرستارىنان وتۋگە مۇمكىندىك بەرەدى.